Shazahn padamsee: సినిమా ఇండస్ట్రీలో వరుసగా పెళ్లి భాజలు మోగుతున్నాయి. ఒకరి తర్వాత ఒకరు సెలబ్రిటీలు పెళ్లి పీటలు ఎక్కుతున్నారు. ఇప్పుడు రామ్ చరణ్ హీరోయిన్ వంతు వచ్చింది. తాజాగా రామ్ చరణ్ హీరోయిన్ ఎంగేజ్మెంట్ వేడుక ఘనంగా జరిగింది. ఇంతకీ ఆమె ఎవరు? వరుడు ఎవరు అన్న విషయాల్లోకి వెళితే… న‌టి షాజ‌న్ ప‌ద‌మ్సీ త్వ‌ర‌లోనే ఒక ఇంటికి ఇల్లాలు కానుంది. తన ప్రియుడు ఆశిష్ కనాకియతో తాజాగా నిశ్చితార్థం చేసుకుంది.
బిజినెస్‌ మ్యాన్ అయిన ఆశిష్ కనాకియతో ఆమె గ‌త కొన్నాళ్లుగా ఈమె ప్రేమ‌లో ఉన్న సంగతి మనందరికీ తెలిసిందే. గతంలో వీరిద్దరికి సంబంధించిన ఫోటోలు కూడా వైరల్ అయ్యాయి. అయితే ఇప్పుడు వీరిద్ద‌రు కొత్త జీవితంలో అడుగుపెట్టేందుకు సిద్ధం అయ్యారు. ఈ క్ర‌మంలోనే నిశ్చాతార్థం చేసుకున్నారు. ఈ విషయాన్ని సదరు హీరోయిన్ తన సోషల్ మీడియా వేదిక‌గా తెలిపింది. ఈ మేరకు ఆ విషయాన్ని ప్రకటిస్తూ తన ఎంగేజ్మెంట్ ఫొటోస్ ని సోషల్ మీడియాలో షేర్ చేసింది. ఇకపోతే షాజ‌న్ ప‌ద‌మ్సీ విషయానికి వస్తే..
ముంబై కి చెందిన ఈ ముద్దుగుమ్మ 2009లో రాకెట్ సింగ్ అనే మూవీతో ప్రేక్షకులను పలకరించిన విషయం తెలిసిందే. తర్వాత తెలుగులో రామ్ చరణ్ తో కలిసి ఆరెంజ్ మూవీలో సెకండ్ హీరోయిన్ గా నటించింది. ఈ సినిమా ఫ్లాప్ అయినప్పటికీ ఈ ముద్దుగుమ్మకు మాత్రం భారీగా గుర్తింపు దక్కింది. ఈ ఒక్క సినిమాతో మనసులను గెలుచుకుంది. ఆ వెంటనే మసాలా మూవీలో నటించి ప్రేక్షకులకు మరింత చేరువయ్యింది. కానీ ఈ సినిమా తర్వాత మరే తెలుగు సినిమాలలో నటించలేదు. ఆమె కెరియర్ మొత్తంగా చేసిన సినిమాలను చేతివేళ్లపై లెక్క పెట్టవచ్చు. అయినప్పటికీ భారీగానే అభిమానులను సంపాదించుకుంది ఈ ముద్దుగుమ్మ.