Ram Charan: మెగా పవర్ స్టార్ రామ్ చరణ్ ‘ఆర్ఆర్ఆర్’ కంప్లీట్ అవ్వగానే శంకర్ దర్శకత్వంలో సినిమా చేయనున్న సంగతి తెలిసిందే. మొదటిసారి శంకర్ ఓక్ తెలుగు హీరోతో డైరెక్ట్ తెలుగు సినిమా చేస్తుండటంతో అంచనాలు తారా స్థాయిలో ఏర్పడ్డాయి. ఒకప్పుడు శంకర్ సినిమా అంటే కథ, నటీనటుల పెర్ఫార్మెన్స్ ప్రధానంగా ఉండేవి.
కానీ మారుతున్న కాలానికి తగ్గట్టే ఆయన మారి విజువల్ ఎఫెక్ట్స్ మీద దృష్టి పెట్టి సినిమాలు చేశారు. కానీ చరణ్ సినిమాలో విజువల్ ఎఫెక్ట్స్ కంటే కంటెంట్ మీదనే ఎక్కువ ఫోకస్ పెట్టారట శంకర్. అంటే అందులో కథే ప్రధానం అన్నమాట. శంకర్ గత చిత్రాల్లో ‘భారతీయుడు, ఒకే ఒక్కడు, అపరిచితుడు’ లాంటి సినిమాల్లో కథే ప్రధాన భూమిక పోషించింది. అందుకే ఆ సినిమాలు క్లాసిక్స్ అయ్యాయి. ఇప్పుడు చరణ్ చేయబోయే సినిమా కూడ అలాగే ఉంటుందని టాక్.
అందులో కూడ బలమైన పొలిటికల్ కథ ఉంటుందట. అందులో చరణ్ ఐఏఎస్ ఆఫీసర్ పాత్రలో కనిపిస్తాడని, ముఖ్యమంత్రి అయ్యే ఘట్టాలు కూడ ఉంటాయని అంటున్నారు. మొత్తంగా సినిమాలో డ్రామాకు ఎక్కువ స్కోప్ ఉంటుందట. నటుడిగా చెర్రీలోని కొత్త కోణాలు ఇందులో బయటపడతాయని అంటున్నారు. ఈ విషయాలు వింటున్న ఫ్యాన్స్ చెర్రీలోని నటుడ్ని ఎలివేట్ చేసే కథే అయితే అంతకన్నా ఏం కావాలి అంటున్నారు.