Shankar: స్టార్ డైరెక్టర్ శంకర్, నిర్మాణ సంస్థ లైకా ప్రొడక్షన్ మధ్యన వివాదం నడుస్తున్న సంగతి తెలిసిందే. శంకర్ రామ్ చరణ్ సినిమా అనౌన్స్ చేయగానే తమ సినిమా కంప్లీట్ చేయకుండా శంకర్ వేరొక సినిమా చేయడానికి లేదని లైకా నిర్మాతలు పట్టుబట్టారు. నోటీసులు పంపారు. వివాదం కోర్టుకెళ్లింది.
శంకర్ సినిమాలు చేసుకోకుండా ఆపడం కుదరదన్న కోర్టు సామరస్యంగా వివాదానికి పరిష్కరించుకోవాలని ఇరు వర్గాలకు సూచించింది. దీంతో శంకర్, లైకా నిర్మాతల నడుమ మరోసారి డిస్కషన్స్ జరిగాయి. అయితే అవి కూడ సఫలం కాలేదు. లైకా నిర్మాతలు ఇప్పటికే ఇవ్వాల్సిన బడ్జెట్ ఇచ్చేశామని, ఇకపై నయాపైసా ఇవ్వమని, సినిమాను కంప్లీట్ చేయాల్సిన బాధ్యత మీదేనని శంకర్ తో తెగేసి చెప్పేశారట.
శంకర్ సైతం బడ్జెట్ ఇస్తే మిగిలున్న సినిమాను ఇప్పటికిప్పుడు పూర్తిచేస్తానని మొహమాటం లేకుండా అన్నారట. ఇలా ఎవ్వరూ కాంప్రమైజ్ కాకపోవడంతో గొడవ మళ్ళీ మొదటికే వచ్చింది. కాబట్టి న్యాయస్థానమే ఏదో ఒకటి తేల్చి చెప్పేస్తే ఇద్దరిలో ఎవరో ఒకరు వెనక్కు తగ్గడం సినిమా ముందుకెళ్లడం జరుగుతుంది.