Sarkaru Vaari Paata : సూపర్ స్టార్ మహేష్ బాబు హీరోగా నటించిన లేటెస్ట్ భారీ చిత్రం “సర్కారు వారి పాట” మహేష్ బాబు కెరీర్ లో ఒక బిగ్ హిట్ గా నిలిచింది. వరుస హ్యాట్రిక్ విజయాలతో మరో హ్యాట్రిక్ కి నాంది పలికేలా దర్శకుడు పరశురాం పెట్ల తో చేసిన ఈ సినిమా మొదటి రోజు నుంచే భారీ వసూళ్ళని అందుకొని వెళ్తున్నట్లు నిర్మాతలే అధికారికంగా తెలుపుతున్నారు. అయితే గ్రౌండ్లో టాక్ పక్కన పెడితే మేకర్స్ మాత్రం భారీ వసూళ్లతో పోస్టర్స్ రిలీజ్ చేస్తున్నారు.
లేటెస్ట్ గా అయితే ఈ సినిమా ఏకంగా ఈ 5 రోజుల్లోనే 160 కోట్ల గ్రాస్ ని ప్రపంచ వ్యాప్తంగా అందుకున్నట్టు తెలిపారు. దీనితో ఈ సినిమా ఈ ఏడాదిలో బిగ్ బ్లాక్ బస్టర్ దిశగా వెళ్తుందని అంటున్నారు. అయితే ఈ సినిమాకి ఇప్పటి వరకు 75 కోట్లకి పైగా షేర్ వచ్చినట్లు ట్రేడ్ పండితులు చెబుతున్నారు. తెలుగు రాష్ట్రాల్లో మరియు ఓవర్సీస్ లో ఈ సినిమా నిలకడగా వసూళ్లను సాధిస్తున్నట్టు తెలుస్తోంది.
మరి ఓవరాల్ గా అయితే ఈ సినిమా ఎక్కడ ఆగుతుందని చూడాలి. ఈ సినిమాలో మహేష్ బాబు సరసన కీర్తి సురేష్ హీరోయిన్ గా నటించగా థమన్ ఎస్ సంగీతం అందించాడు. అలాగే జి ఎం బి ఎంటర్టైన్మెంట్స్ వారు అలాగే మైత్రి మూవీ మేకర్స్ మరియు 14 రీల్ ఎంటర్టైన్మెంట్స్ వాళ్ళు సంయుక్తంగా నిర్మాణం అందించారు.