Salman Khan: టాలీవుడ్లోనే కాదు సౌత్ ఇండియాలోనే అల్లు అర్జున్ లాంటి డ్యాన్సర్ వేరొకరు లేరు. ఆయన డ్యాన్సులు ఆయనకు బోలెడంత ఫ్యాన్ బేస్ క్రియేట్ అయ్యేలా చేశాయి. బన్నీ డ్యాన్సులకు తెలుగుతో పాటు తమిళం, మలయాళం ప్రేక్షకులు ఫిదా అయిపోగా ఇప్పుడు బాలీవుడ్ జనాలు సైతం బన్నీ డ్యాన్సులను అనుకరిస్తున్నారు. అది కూడ స్టార్ హీరో సల్మాన్ ఖాన్.
సల్మాన్ ఖాన్ ట్రెండ్ సెట్ చేయడమే తప్ప వేరొకర్ని ఫాలో అయింది లేదు. అలాంటి ఆయన ఏకంగా బన్నీ పాటనే రీమేక్ చేశారు. సల్మాన్ ఖాన్ బన్నీ చేసిన ‘డీజే’ చిత్రంలోని సీటిమార్ పాటను తన కొత్త చిత్రం ‘రాధే’లో రీమేక్ చేశారు. ఒరిజినల్ వెర్షన్లో బన్నీ డ్యాన్సులు అదరగొట్టేస్తాడు. ఆ పాటకు బన్నీ స్టెప్పులే పెద్ద హైలెట్. వాటి కోసం మళ్ళీ మళ్ళీ ఆ పాటను చూసే వీక్షకులు ఉన్నారు.
బన్నీ మూమెంట్స్ మూలంగానే యూట్యూబ్ లో ఆ పాట 200 మిలియన్ల వ్యూస్ దాటింది. ప్రేక్షకులే కాదు సల్మాన్ ఖాన్ సైతం బన్నీ డ్యాన్సులు చూసి ఫిదా అయిపోయారు. అలాంటి పాట చేసినందుకు బన్నీకి థ్యాంక్స్ కూడ చెప్పారు. నీ స్టైల్, నీ డ్యాన్స్, నీ పెర్ఫార్మన్స్ అద్భుతం అంటూ బన్నీ మీద పొగడ్తల వర్షం కురిపించారు. సల్మాన్ ఖాన్ లాంటి హీరో నుండి ఇంతలా కాంప్లిమెంట్స్ అందుకోవడం బన్నీకి గర్వకారణమైన విషయమే.