ఢిల్లీ-జైపూర్ హైవేపై ఘోర రోడ్డు ప్రమాదం చోటుచేసుకుంది. గురుగ్రామ్‌ సమీపంలోని బినౌలా గ్రామం వద్ద నేషనల్ హైవేపై ట్రక్..కారు ఢీకొనడంతో ఐదుగురు స్పాట్‌లోనే మృతి చెందారు. బిలాస్ పూర్ పోలీసులు తెలిపిన వివరాల ప్రకారం.. మృతి చెందిన వారు ట్రాన్స్పోర్ట్ కంపెనీలో మేనేజర్ స్థాయిలో పనిచేస్తున్నారని వారు సంస్థ విధుల్లో భాగంగా గురువారం తెల్లవారుజామున కారులో గురుగ్రామ్‌ వెళ్తున్న సమయంలో గుర్తు తెలియని వాహనం వీరిని కారును ఢీకొట్టింది. దీంతో ఐదుగురు అక్కడికక్కడే ప్రాణాలు కోల్పోయారు. ఘటనపై కేసు నమోదు చేసుకున్న పోలీసులు ప్రమాదానికి కారణమైన ట్రక్ కోసం గాలిస్తున్నారు.
ఘోర రోడ్డు ప్రమాదం.. ఐదుగురు దుర్మరణం
