Raviteja: లాక్ డౌన్ అనంతరం మొదటి సూపర్ హిట్ అందుకున్న హీరో మాస్ మహారాజ రవితేజ. గోపిచంద్ మలినేని దర్శకత్వంలో ఆయన చేసిన ‘క్రాక్’ భారీ సక్సెస్ అందుకుంది. దాంతో రవితేజ వరుస సినిమాలకు సైన్ చేసేశారు.
అప్పటికే ఆయన రమేష్ వర్మ దర్శకత్వంలో ‘ఖిలాడి’ సినిమా చేస్తున్నారు. ‘క్రాక్’ హిట్టవ్వడంతో ‘ఖిలాడి’ మీద అంచనాలు పెరిగాయి. అంచనాల వరకు పెరిగితే పర్లేదు. కానీ సినిమా బడ్జెట్ కూడ పెరిగింది. దీంతో అసలు సమస్యలు మొదలయ్యాయి.
రవితేజ మార్కెట్ 25 కోట్ల వరకు ఉంటుంది. అది కూడ సినిమా హిట్టైతేనే. ఈ లెక్కన ఆయనతో సినిమా అంటే 15 నుండి 20 కోట్ల మధ్యలో అయిపోవాలి. అప్పుడే సినిమాను అమ్ముకునే నిర్మాతలు, కొనే డిస్ట్రిబ్యూటర్లు సేఫ్ అవుతారు. కానీ ‘ఖిలాడి’ బడ్జెట్ లిమిట్స్ దాటేసిందని టాక్.
దీంతో రవితేజ కూడ ఆలోచనలో పడ్డారట. ఇకనైనా మిగిలిన షూటింగ్ జరిపేటప్పుడు బడ్జెట్ కంట్రోల్ చేయాలని భావిస్తున్నారట. ప్రజెంట్ అన్ని సినిమల్లాగానే ఈ చిత్రం కూడ కరోనా సెకండ్ వేవ్ మూలంగా ఆగిపోయి ఉంది.