తెలుగులో ఈమధ్య కాలంలో చాలా వేగంగా స్టార్ హీరోయిన్ స్థాయికి ఎదిగిన నటి ఎవరైనా ఉన్నారు అంటే అది రష్మికనే. చిన్న హీరోలతో సినిమాలు చేస్తూ మెల్లగా కెరీర్ బిల్డ్ చేసుకుంటున్న ఆమెకు ఒక్కసారిగా మహేష్ బాబు రూపంలో అదృష్టం పట్టుకుంది. ‘సరిలేరు నీకెవ్వరు’ సినిమాలో ఆమెను ఏరి కోరి తీసుకున్నారు. అది హిట్ కావడంతో వెంటనే అల్లు అర్జున్, సుకుమార్ కాంబినేషన్లో ‘పుష్ప’ అవకాశం వచ్చింది. ఇది పాన్ ఇండియా ప్రాజెక్ట్. ఈ చిత్రం గనుక హిట్ అయితే రష్మిక రేంజ్ మారిపోతుంది.
తెలుగులో దూసుకుపోతూనే తమిళం మీద కన్నేసింది రష్మిక. మొదటి సినిమానే ఆమెకు కార్తీ సరసన నటించే ఛాన్స్ దొరికింది. వీరిద్దరూ చేసిన ‘సుల్తాన్’ త్వరలోనే విడుదలకానుంది. ఈలోపే ఆమెకు మరొక బంపర్ ఆఫర్ దొరికిందట. సూపర్ స్టార్ విజయ్ కొత్త సినిమాలో రష్మికను తీసుకోబోతున్నారట. నెల్సన్ దిలీప్ కుమార్ దర్శకత్వం వహిస్తున్న ఈ సినిమాలో ఇప్పటికే పూజా హెగ్డేను ప్రధాన కథానాయకిగా తీసుకున్నారు. ఇప్పుడు రెండవ కథానాయకిగా రష్మికను తీసుకునే ఆలోచనలో ఉన్నారట మేకర్స్. యదే గనుక నిజమైతే తమిళంలో కూడ రష్మిక సెటిలైపోయినట్టే. ఆమె లక్ చూస్తే నక్క తోకను తొక్కి రావడమంటే ఇదే అనుకోవాలేమో.