ప్ర‌స్తుతం సోష‌ల్ మీడియా క్రేజ్ ఏ రేంజ్‌లో ఉందో ప్ర‌త్యేకంగా చెప్ప‌న‌క్క‌ర్లేదు. దీని వ‌ల‌న ఏ వార్త అయిన క్ష‌ణాల‌లో వైర‌ల్ కావ‌డం, ఎక్కడో విదేశాల‌లో జ‌రిగిన ఇన్సిడెంట్ కొద్ది క్ష‌ణాల‌లో మ‌న దృష్టికి రావ‌డం జ‌రుగుతుంది. ఇక సినిమా సెల‌బ్రిటీల‌కు సంబంధించిన విషయంలో ఏదైన త‌ప్పు జ‌రిగితే అంతే సంగ‌తులు. ఆ వార్త‌ని హైలైట్ చేస్తూ తెగ ట్రోల్ చేస్తుంటారు. ఇప్పుడు ఇస్మార్ట్ హీరో రామ్ విషయంలో అదే జరిగింది. సంక్రాంతి సంద‌ర్బంగా జ‌న‌వ‌రి 14న విడుద‌ల కానున్న రెడ్ ప్రీ రిలీజ్ వేడుక గ‌త రాత్రి ఘ‌నంగా నిర్వ‌హించారు. ఈ కార్య‌క్ర‌మానికి త్రివిక్ర‌మ్ శ్రీనివాస్ గెస్ట్‌గా హాజ‌ర‌య్యారు.
గ్రాండ్‌గా నిర్వ‌హించిన ఈ వేడుక‌లో త్రివిక్ర‌మ్ శ్రీనివాస్ .. స్ర‌వంతి రవి కిషోర్‌కు ప్ర‌త్యేక కృత‌జ్ఞ‌తలు తెలిపారు. ఆయ‌న లేక‌పోయి ఉండి ఉంటే నేను ఈ స‌మ‌యంలో ఇక్క‌డ ఉండే వాడిని కాదు. స్వయంవరం సినిమా తరవాత నాకు ఎందుకో ఎవరూ సినిమాలు ఇవ్వలేదు. దీంతో భీమవరం వెళ్లి క్రికెట్ ఆడుకుంటుంటే.. నాకు ఫోన్ చేసి అక్కడి నుంచి పిలిపించి నాతో ‘నువ్వే కావాలి’ రాయించారు. సార్.. నేను మీకు ఆ విషయంలో చాలా రుణపడి ఉన్నాను అంటూ చాలా ఎమోష‌న్ అయ్యారు. ఆ త‌ర్వాత స్ర‌వంతి ర‌వికిషోర్ కాళ్లు మొక్కాడు.
అంతే స‌జావుగానే సాగిన టికెట్ లాంచ్ స‌మ‌యంలో ఘోర తప్పిదం చేశారు. ఎవ‌రు ప‌ట్టించుకోకుండా రెడ్ సినిమా ప్ర‌ద‌ర్శ‌న‌కు బ‌దులు ర‌వితేజ సినిమా క్రాక్ టికెక్‌టు లాంచ్ చేశారు. దానిపై రిలీజ్ డేట్ జ‌న‌వ‌రి 9న ఉంది. త‌న సినిమాల‌కు బ‌దులు ర‌వితేజ సినిమా ప్ర‌మోష‌న్ చేయ‌డంపై రామ్‌ని తెగ ట్రోల్ చేస్తున్నారు. రెడ్ మూవీ ప్రీ రిలీజ్ ఈవెంట్ పెట్టి క్రాక్ సినిమాని ప్ర‌మోట్ చేయ‌డం ఏంట‌ని మండిప‌డుతున్నారు. మొత్తానికి అడ్డంగా రామ్ బుక్ అవ‌డంతో యాంటీ ఫ్యాన్స్ పండ‌గ చేసుకుంటున్నారు