Dc Rajasekhar : అదేంటీ.? రాజశేఖర్, శ్రీదేవిని పెళ్లి చేసుకోనని చెప్పడమేంటీ.? అనుకుంటున్నారా.? అవునండీ మీరు విన్నది నిజమే. రాజశేఖర్ యాక్టర్ కాకముందు డాక్టర్ అన్న సంగతి అందరికీ తెలిసిందే. ఆయన యాక్టర్ కాకముందే, శ్రీదేవి సినిమాల్లో స్టార్ హీరోయిన్గా ఓ వెలుగు వెలుగుతోంది.
అయితే, శ్రీదేవి తండ్రి, రాజశేఖర్ తండ్రి మంచి స్నేహితులట. ఆ స్నేహం కారణంగా శ్రీదేవితో రాజశేఖర్ పెళ్లి చేయాలని అనుకున్నారట. కానీ, అప్పటికే శ్రీదేవి ఇండస్ట్రీలో టాప్ హీరోయిన్. దాంతో అంత ఫేమున్న హీరోయిన్ని పెళ్లి చేసుకుంటే, భవిష్యత్తులో ఏమైనా ఇబ్బందులు వస్తాయని భావించి రాజశేఖర్ సున్నితంగా ఆ ప్రపోజల్ తిరస్కరించారట.
అయితే, అనుకోకుండా రాజశేఖర్ ఆ తర్వాత సినిమాల్లోకి రావడం, హీరోగా స్టార్ అవ్వడం వెంట వెంటనే జరిగిపోయాయ్. కెరీర్ మొదట్లోనే జీవితను ప్రేమించి పెళ్లి చేసుకోవడం కూడా జరిగిపోయింది.
ఇండస్ట్రీలో జీవితా రాజశేఖర్ జంటకు మంచి పేరుంది. హీరోయిన్గా జీవిత కేవలం మూడు సినిమాల్లో మాత్రమే నటించింది. అది కూడా రాజశేఖర్తోనే నటించింది.
వీరిద్దరూ కలిసి స్క్రీన్ షేర్ చేసుకున్న తొలి సినిమా ‘తలంబ్రాలు’. సెన్సేషనల్ హిట్ అయ్యింది. ఆ తర్వాత ‘అంకుశం’, ఆహుతి’ సినిమాల్లో వీరిద్దరూ కలిసి నటించారు. అలా రీల్ దంపతులైన జీవితా రాజశేఖర్, పెళ్లి చేసుకుని రియల్ దంపతులుగా పాపులర్ అయ్యారు.