Pushpa : తొలుత ఒకటే సినిమా అనుకున్నారు.. కానీ, అది కాస్తా రెండు పార్టులుగా మారింది. ‘పుష్ప ది రైజ్’ థియేటర్లలోకి వచ్చేయగా, ‘పుష్ప ది రూల్’ సినిమాకి షూటింగ్ చాలా చాలా చేయాల్సి వుంది. ‘పుష్ప పార్ట్ వన్’ సాధించిన విజయంతో, రెండో పార్ట్ విషయంలో దర్శకుడు సుకుమార్, హీరో అల్లు అర్జున్ అలాగే నిర్మాణ సంస్థ కూడా మరిన్ని అదనపు హంగుల కోసం ప్రయత్నించక తప్పని పరిస్థితి.
విజువల్ ఎఫెక్ట్స్, బ్యాక్గ్రౌండ్ స్కోర్ వంటి విషయాల్లో ‘పుష్ప ది రైజ్’కి సంబంధించి కొన్ని విమర్శలొచ్చాయి గతంలో. దాంతో, ‘పుష్ప ది రూల్’లో అలాంటి విమర్శలకు ఆస్కారమే లేకుండా ప్రత్యేక జాగ్రత్తలు కూడా తీసుకోబోతున్నారట.
అత్యంత విశ్వసనీయ వర్గాల సమాచారం ప్రకారం, పాన్ ఇండియా స్థాయిలో సినిమాని మరింత తేలిగ్గా ప్రమోట్ చేసేందుకు వీలుగా బాలీవుడ్ నుంచి కొందరు నటీనటుల్ని ‘పుష్ప ది రూల్’ కోసం తీసుకోబోతున్నారట. అలాగే, తమిళ సినీ పరిశ్రమ నుంచి కూడా కొందరు ప్రముఖులు ‘పుష్ప’ టీమ్తో కలుస్తారని అంటున్నారు.
పెద్దదిగా, చాలా చాలా పెద్దదిగా ‘పుష్ప ది రూల్’ మారబోతోందంటూ సినీ వర్గాల్లో గుసగుసలు వినిపిస్తుండడం.. ఇవన్నీ ‘పుష్ప టీమ్’ నుంచే లీకులుగా బయటకొస్తున్నాయనే ప్రచారం.. వెరసి, ‘పుష్ప ది రైజ్’ కంటే చాలా చాలా పెద్ద స్థాయిలో ‘పుష్ప ది రూల్’ వుంటుందని భావించొచ్చు.