బాహుబ‌లి సినిమా త‌ర్వాత ప్ర‌భాస్ సినిమాల‌కు సంబంధించి వ‌స్తున్న వార్తలు వింటుంటే రానున్న రోజుల‌లో ఆయ‌న హాలీవుడ్‌లోను సినిమా చేస్తాడా అనే అనుమానం క‌లుగుతుంది. ప్ర‌స్తుతం ప్ర‌భాస్ చేసే ప్ర‌తి చిత్రం పాన్ ఇండియా సినిమాలుగా రూపొందుతుండ‌గా, వీటిని భారీ బ‌డ్జెట్‌తో నిర్మిస్తున్నారు. ఇందులో న‌టించే న‌టీన‌టుల‌ని కూడా దేశ విదేశాల నుండి పిలిపిస్తున్నారు. ఈ నేప‌థ్యంలో మ‌నదేశంలోనే కాక విదేశాల‌లోను ప్ర‌భాస్ సినిమాల‌పై హైప్ పెరుగుతుంది.
కేజీఎఫ్ వంటి బ్లాక్ బ‌స్ట‌ర్ చిత్రాన్ని తెర‌కెక్కించిన ప్ర‌శాంత్ నీల్ ద‌ర్శ‌క‌త్వంలో ప్ర‌స్తుతం స‌లార్ అనే సినిమా చేస్తున్నాడు ప్ర‌భాస్. గోదావరిఖని సింగరేణి బొగ్గు గనుల్లో షూటింగ్‌ జరుపుకుంటున్న సంగతి తెలిసిందే. ఇటీవల ఈ మూవీ సెట్‌లో ప్ర‌భాస్ అడుగుపెట్ట‌గా, ఆయ‌న‌కు సంబంధించి కొన్ని కీల‌క స‌న్నివేశాలు చిత్రీక‌రించారు. చిత్రంలో క‌మ‌ల్ గారాల ప‌ట్టి శృతి హాస‌న్ క‌థానాయిక‌గా న‌టిస్తుండ‌గా, స్పెష‌ల్ సాంగ్ కోసం గ్లోబ‌ల్ భామ‌ను దింపుతున్న‌ట్టు స‌మాచారం.
బాలీవుడ్, హాలీవుడ్ చిత్రాల‌తో అశేష ప్రేక్ష‌కాద‌ర‌ణ పొందిన గ్లోబ‌ల్ భామ ప్రియాంక.కొన్నాళ్లుగా ఈ అమ్మ‌డు హాలీవుడ్ చిత్రాలే ఎక్కువ‌గా చేస్తుంది. ఇప్పుడు తొలిసారి ఓ తెలుగు చిత్రంలో న‌టించేందుకు సిద్ధ‌మైన‌ట్టు స‌మాచారం. స‌లార్‌లో ప్ర‌భాస్‌తో క‌లిసి ఓ స్పెష‌ల్ సాంగ్‌లో న‌ర్తించ‌నున్న‌ట్టు టాక్. ఈ వార్త నిజ‌మైతే ఒక్క సాంగ్ కోసం ప్రియాంక ఎంత రెమ్యున‌రేష‌న్ తీసుకుంటుందో అని తెగ చ‌ర్చ‌లు చేస్తున్నారు.ప్రియాంక ఇంత‌క ముందు బాలీవుడ్‌లో ‘అగ్నిపత్‌’, ‘రావన్‌’ వంటి చిత్రాల్లో ఐటెం సాంగ్‌లో కనిపించిన సంగతి తెలిసిందే. కాగా, ఈ చిత్రంలో విలన్‌గా మొదట తమిళ నటుడు విజయ్‌ సేతుపతి పేరు వినిపించగా.. తాజాగా మరో నటుడు మధు గురుస్వామి నటిస్తున్నట్లు ఇటీవల వార్తలు వస్తున్నాయి.