Priyamani BhamaKalapam Teaser : ‘ఫ్యామిలీ మాన్’ ఫేమ్ ప్రియమణి మరో థ్రిల్లర్ తో దూసుకొచ్చేస్తోంది… ‘ఫ్యామిలీ మాన్’ లో ఏజెంట్ భార్యగా నటించి మళ్ళీ ఓ మెరుపు మెరిసిన ఒకప్పటి హీరోయిన్ ప్రియమణి ఇక ‘భామా కలాపం’ తో తెలుగు ప్రేక్షకుల నట్టింట్లోకి వచ్చేస్తోంది. ప్రతీ వారం ఒక కొత్త కంటెంట్ ని అందించే బృహత్ ప్రణాళికతో ముందడుగేస్తున్న ‘ఆహా’ ఓటీటీ ప్లాట్ ఫామ్ ప్రియమణిని ‘భామాకలాపం’ తో తెలుగు సెగ్మెంట్లోకి దింపుతోంది. ఆ మధ్య ఫస్ట్ లుక్ రిలీజ్ చేశాక ఇప్పుడు ఆదివారం టీజర్ విడుదల చేశారు. సూపర్హిట్ ‘పుష్ప: ది రైజ్’ హీరోయిన్ గా బాగా పాపులరైన రశ్మికా మందన్న ఈ టీజర్ ని రిలీజ్ చేసింది. టీజర్ చాలా ఫన్నీగా వుందనేది ఈ సందర్భంగా ఆమె కామెంట్!
టీజర్ లో అనూపమ అనే గృహిణిగా ప్రియమణి పాత్ర స్వభావం స్పష్టమవుతుంది. ఒక పాత అపార్ట్మెంట్ లో వుండే అనుపమ యూట్యూబ్ కుకరీ ఛానెల్ని నడుపుతూంటుంది. ఆ చానెల్ మీదకన్నా ఇతరుల ఇళ్ళల్లో ఏమేం జరుగుతున్నాయో తొంగి చూసే అలవాటు ఎక్కువ ఆమెకు. ఇలా ఇళ్ళల్లో జరుగుతున్నవి తెలుసుకుని గాసిప్స్ చెప్పే అలవాటుతో గొడవలు తెచ్చుకునే ఆమె, ఒక రాత్రి అపార్ట్ మెంట్ లో హత్య జరగడంతో పోలీసులకి ఆమె కీలక మారడం ఈ వెబ్ మూవీ కథగా వుంది…
అంటే అపార్ట్ మెంట్ లో ఓ హత్య చుట్టూ సస్పెన్స్ థ్రిల్లర్ అన్నమాట. టీజర్ ఫన్నీగా వుంది. మూవీ ఫ్యామిలీ ప్రేక్షకుల్లోకి బాగా వెళ్లొచ్చు. టెక్నికల్ గా రిచ్ గా వుంది. బిజీఎం కూడా బావుంది. కంపోజర్ జస్టిన్ ప్రభాకరన్ (‘రాధే శ్యామ్’, ‘డియర్ కామ్రేడ్’ ఫేమ్) ఈ వెబ్ మూవీకి సంగీతదర్శకుడు. దీపక్ కుమార్ కెమెరా విప్లవ్ ఎడిటింగ్ బాధ్యతలు నిర్వహిస్తున్నారు. ‘డియర్ కామ్రేడ్”కి నిర్మాత భరత్ కమ్మ ఈ వెబ్ మూవీని నిర్మిస్తున్నారు. అభిమన్యూ తడిమేటి దర్శకుడు. ఫిబ్రవరి 11 న స్ట్రీమింగ్ అవుతుంది.