Pawan Kalyan: పవన్ కళ్యాణ్ రీఎంట్రీ చిత్రాన్ని స్టార్ డైరెక్టర్ ఎవరైనా డైరెక్టక్ చేస్తాడని అనుకుంటే వేణు శ్రీరామ్ తెరపైకి వచ్చాడు. ‘పింక్’ సినిమాను ‘వకీల్ సాబ్’ పేరుతో రీమేక్ చేయడానికి దిల్ రాజు శ్రీరామ్ వేణును చూజ్ చేసుకున్నారు. అప్పటి నుండి శ్రీరామ్ వేణు పేరు పాపులర్ అయిపోయింది. అవకాశం అయితే వచ్చింది మరి శ్రీరామ్ వేణు దాన్ని నిలబెట్టుకోగలడా అనే అనుమానం వచ్చింది అందరికీ. పవన్ లాంటి స్టార్ హీరోను అందునా రీమేక్ సినిమాలో ఎలా హ్యాండిల్ చేస్తాడో అనుకున్నారు అభిమానులు.
అయితే వేణు శ్రీరామ్ ఆ అంచనాలను అందుకోగలిగారు. అందరూ మెచ్చుకునే సినిమా తీశాడు. పవన్ సైతం శ్రీరామ్ వేణు వర్క్ పట్ల ఇంప్రెస్ అయ్యారు. దీంతో ఆయనకు పవన్ రెండో ఛాన్స్ ఇవ్వనున్నారనే టాక్ మొదలైంది. దిల్ రాజు సైతం భవిష్యత్తులో వేణు శ్రీరామ్, పవన్ సినిమా ఉండొచ్చని హింట్స్ ఇచ్చారు. కానీ ఇప్పుడు పరిస్థితి చూస్తే అది జరిగేలా కనబడట్లేదు.
పవన్ కోవిడ్ సోకడంతో ఐసొలేషన్లో ఉన్నారు. ఆయన చేయాల్సిన సినిమాలు ఇంకా మూడు ఉన్నాయి. చర్చలో దశలో ఇంకో రెండు మూడు ప్రాజెక్ట్స్ ఉన్నాయి. అన్నీ పూర్తయ్యేనాటికి ఇంకో రెండు రెండున్నరేళ్లు పట్టేలా ఉంది. అందుకే పవన్ ఇకపై కొత్త సినిమాలకు గ్రీన్ సిగ్నల్ ఇవ్వకూడదని నిర్ణయించుకున్నారట. సో.. వేణు శ్రీరామ్ ప్రాజెక్ట్ సందిగ్ధంలో పడిపోయింది.