Nani Director : నేచురల్ స్టార్ నాని హీరోగా నటించిన చిత్రాల్లో మంచి హిట్స్ గా నిలబడ్డ వాటిలో “నిన్ను కోరి” కూడా ఒకటి. మరి ఈ చిత్రం తోనే టాలీవుడ్ కి కొత్త దర్శకునిగా పరిచయం అయ్యాడు శివ నిర్వాణ. ఈ సినిమా తోనే శివ మంచి ఫేమ్ తెచ్చుకొని ఆ తర్వాత “మజిలీ” అనే సినిమాతో తన కెరీర్ భారీ హిట్ ని సొంతం చేసుకున్నాడు.
ఇలా టాలీవుడ్ లో కొత్త లవ్ స్టోరీ సినిమాలకు తనకంటూ ఒక బ్రాండ్ ఏర్పరచుకున్నాడు. మరి దీనికి బ్రేక్ ఇస్తూ కంప్లీట్ ఫామిలీ ఎంటర్టైనర్ గా తన హీరో నాని తోనే టక్ జగదీష్ అనే సినిమా తీయగా అది కాస్త డివైడ్ టాక్ తెచ్చుకుంది.
దీనితో మళ్లీ లవ్ స్టొరీ తోనే వస్తానని ప్రామిస్ చేసాడు. కానీ ఇప్పుడు ఊహించని ట్విస్ట్ ఎదుర్కొన్నాడు. తాను విజయ్ దేవరకొండ తో ఓ సినిమా చెయ్యాల్సి ఉందని కానీ అది అనూహ్య కారణాల వల్ల ఆగిపోయిందని దాని ప్లేస్ లో వెంకీ మామా తో ప్రాజెక్ట్ ఒకే అయ్యిందని ఓ వార్త వైరల్ అవుతుంది.
అయితే దీనిపై శివ స్పందించాడు. ఇదంతా ఫాల్స్ న్యూస్ అని తన సోషల్ మీడియా ద్వారా క్లారిటీ ఇచ్చాడు. దీనితో విజయ్ అభిమానులకి ఒక క్లారిటీ వచ్చినట్టు అయ్యింది.. మరి ఈ ప్రాజెక్ట్ ఎప్పుడు షురూ అవుతుందో చూడాలి.