Nagarjuna: కింగ్ నాగార్జున కెరీర్లో ఈమధ్య కాలంలో పెద్ద కమర్షియల్ హిట్ ఏదైనా ఉంది అంటే అది ‘సోగ్గాడే చిన్ని నాయన’ చిత్రమే. ఈ సినిమాతో నాగార్జున మళ్ళీ హిట్ ట్రాక్ ఎక్కారు. ఆయన మార్కెట్ స్థాయి కూడ కొంచెం కుదుటపడింది. అభిమానులు కూడ ఆ సినిమా పట్ల చాలా సంతృప్తి వ్యక్తం చేశారు. దీంతో నాగ్ ఆ సినిమాకు సీక్వెల్ చేయాలని డిసైడ్ అయ్యారు.
డైరెక్టర్ కళ్యాణ్ కృష్ణ సైతం అప్పటి నుండి ‘బంగార్రాజు’ స్క్రిప్ట్ మీద వర్క్ చేస్తూనే ఉన్నారు. అయితే కథ రెడీ కావడానికి చాలా కాలమే పట్టింది. కళ్యాణ్ కృష్ణ ట్రీట్మెంట్ నాగార్జునకు చాలాసార్లు సంతృప్తిని ఇవ్వలేదు. అందుకే అనేకసార్లు ఆయనకు మార్పులు చేర్పులు చెప్పి వెనక్కి పంపుతూ వచ్చారు.
చివరికు ఈమధ్యనే ఏదో ఫైనల్ అయినట్టు తెలుస్తోంది. ఇక ఆలస్యం లేకుండా సినిమాను పట్టాలెక్కించాలని అనుకున్నారు. కానీ ఈలోపు కరోనా సెకండ్ వేవ్ వచ్చి పడింది. ఇప్పుడప్పుడే కొత్త సినిమాలు మొదలయ్యేలా లేవు. సో.. నాగ్ కూడ చేస్తుంది లేక జూమ్ యాప్ ద్వారా కళ్యాణ్ కృష్ణతో కథా చర్చలు జరుపుతున్నారట.