ప్రస్తుతం ఇండియన్ సినిమా దగ్గర తన సినిమాతో బ్లాస్ట్ రేపి హాట్ టాపిక్ గా నిలిచిన దర్శకుడు ఎవరైనా ఉన్నారు అంటే అది తమిళ యంగ్ ఫిలిం మేకర్ లోకేష్ కనగ్ రాజ్ ఒకడు. అయితే లోకేష్ తీసిన కొన్ని సినిమాల్లో భారీ హిట్స్ “ఖైదీ” లేటెస్ట్ గా “విక్రమ్” సినిమాలకి లింక్ కలపడంతో దెబ్బకు లోకేష్ పేరు రేంజ్ లో ఆడియెన్స్ కి పిచ్చెక్కిస్తోంది.
దీనితో విక్రమ్ పార్ట్ 3 అలాగే ఖైదీ రెండో సినిమాపై కూడా ఆసక్తి ఓ రేంజ్ లో లేచింది. స్టార్ హీరో కార్తీ మరియు లోకేష్ ల నుంచి వచ్చిన ఆ సినిమా అప్పట్లో సెన్సేషన్ ని రేపింది. అప్పుడే పార్ట్ 2 ను కన్ఫర్మ్ చేశారు కానీ ఈ రకంగా ఉంటుంది అని ఇపుడు క్లారిటీ వచ్చే సరికి మాత్రం అంచనాలు ఇంకో లెవెల్లో నెలకొన్నాయి.
మరి ఇప్పుడు ఈ ఖైదీ 2 పై లేటెస్ట్ గా కొన్ని ఇంట్రెస్టింగ్ అప్డేట్స్ తెలుస్తున్నాయి. ఈసారి సినిమా అయితే పార్ట్ 1 కన్నా పదింతలు ట్రీట్ ఇచ్చేలా ఉంటుందట. పైగా ఆ సినిమా లోకేష్ ఇప్పుడు విజయ్ తో సినిమా షూటింగ్ అనంతరమే స్టార్ట్ చేయనుండగా ఈ సినిమాకి భారీ బడ్జెట్ ని పెడుతున్నారట.
అలాగే ఇంకో ఇంట్రెస్టింగ్ అంశం ఏమిటంటే ఈ సినిమాలో ఖైదీ గా కనిపించిన ఢిల్లీ తాను జైలు లో ఉన్నపుడు కబడ్డీ ప్లేయర్ అట. అతను వచ్చినపుడు తాను తెచ్చుకున్న సంచిలో తన కప్పులు కూడా ఉంటాయని దీనికి నెక్స్ట్ పార్ట్ లో ఇంట్రెస్టింగ్ కథనం ఉంటుంది అని లోకేష్ తెలిపాడు. ఇవన్నీ వింటుంటే ఈ సినిమాపై అంచనాలు ఇప్పుడు మరింత పెరుగుతున్నాయి.