మెగాస్టార్ చిరంజీవి చిత్రం ‘ఆచార్య’లో రామ్ చరణ్ తేజ్ కూడ కీలక పాత్ర చేస్తున్న సంగతి తెలిసిందే. ఆ పాత్ర పేరు సిద్ద. చరణ్ పాత్ర మీద అందరికంటే ఎక్కువగా చిరంజీవి ఎగ్జైట్ అవుతున్నారు. తరచూ చరణ్ పాత్ర గురించిన అప్డేట్స్ మీద చిరు తనదైన స్టైల్లో ఎలివేషన్ ఇస్తున్నారు. సిద్ద పాత్రను ఇతనే నా కామ్రేడ్ అంటూ పరిచయం చేసిన మెగాస్టార్ కొడుకుతో కలిసి నటించడం తనకు ఎంత ఆనందాన్ని ఇస్తుందో పలుమార్లు చెబుతూ వచ్చారు, ఇక ఉగాది సందర్బంగా తాజాగా పూజా హెగ్డేతో చరణ్ ఉన్న రొమాంటిక్ పోస్టర్ ఒకటి వదిలారు ‘ఆచార్య’ టీమ్.
ఆ పోస్టర్ మీద చిరు తనదైన శైలిలో రొమాంటిక్ ట్వీట్ వేశారు. ‘ఆయుధమైనా.. అమ్మాయి అయినా.. సిద్దుడి చేతిలో ఒదిగిపోతుంది’ అంటూ ట్వీట్ వేశారు. ఇక పోస్టర్ చూస్తే నిజంగానే చరణ్ చేతిలో పూజా హెగ్డే ఒదిగిపోయినట్టే కనిపిస్తోంది. చిరు చెబుతున్న గొప్పలు, విశేషాలను బట్టి సినిమాలో చరణ్ క్యారెక్టర్ అభిమానులకు కనులవిందు చేయడం ఖాయం అనిపిస్తోంది. మరి నిజంగా చిరు చెబుతున్నట్టు చరణ్ పాత్రకు అంత సీన్ ఉందో లేదో తెలియాలంటే ‘ఆచార్య’ విడుదల వరకు ఆగాల్సిందే.