టాలీవుడ్ దిగ్గజ హీరోలలో ఒకరైన మెగాస్టార్ చిరంజీవి ఇప్పుడు పలు క్రేజీ ప్రాజెక్ట్ లు చేస్తున్న సంగతి తెలిసిందే. అలాగే ఈ చిత్రాల్లో దాదాపు అన్నీ కూడా మంచి మల్టీ స్టారర్ చిత్రాలే ఉన్నాయి. ఈ చిత్రాల్లో కోలీవుడ్ స్టార్ దర్శకుడు మోహన్ రాజాతో చేస్తున్న భారీ సినిమా “గాడ్ ఫాదర్” కూడా ఒకటి.
ఇందులో బాలీవుడ్ స్టార్ నటుడు సల్మాన్ ఖాన్ కూడా కీలక పాత్రలో నటిస్తున్నాడు. మరి ఈ చిత్రం షూటింగ్ ఇప్పుడు శరవేగంగా జరుగుతుండగా ఈ సినిమాపై ఇప్పుడు మెగా లీక్ అయితే మెగాస్టార్ చెప్పడం వైరల్ గా మారిపోయింది. ఆహా షోలో థమన్ జడ్జి గా నడుస్తున్న పాటల ప్రోగ్రాం ఫైనల్స్ కి హాజరైన మెగాస్టార్ మాట్లాడుతూ..
తమ గాడ్ ఫాదర్ సినిమాని ఈ ఏడాది ఆగష్టు లో గాని లేదా సెప్టెంబర్ లో రిలీజ్ ప్లాన్ చేస్తున్నామని రివీల్ చేసేసారు. దీనితో ఇపుడు ఈ మెగా లీక్ తో ఈ సినిమా రిలీజ్ పై వార్తలు కన్ఫర్మ్ అయ్యిపోయాయి అలాగే ఈ క్లిప్ ఇప్పుడు సోషల్ మీడియాలో పెద్ద ఎత్తున వైరల్ అవ్వసాగింది.
మరి ఈ సినిమాకి కూడా థమన్ సంగీతం అందిస్తున్నాడు. అలాగే కొణిదెల ప్రొడక్షన్స్ వారు భారీ బడ్జెట్ మరియు తారాగణంతో నిర్మిస్తున్నారు. ఇక అధికారిక డేట్ మాత్రమే రావాల్సి ఉందని చెప్పాలి.