Mahesh Babu Trivikram Project : మన టాలీవుడ్ స్టార్ హీరోల్లో ఒక్క నేషనల్ స్థాయిలోనే కాకుండా ఇంటర్నేషనల్ లెవెల్లో కూడా క్లిక్ అవ్వగలిగే అతి కొద్ది మంది హీరోస్ లో సూపర్ స్టార్ మహేష్ బాబు కూడా ఒకడు. తన చార్మింగ్ లుక్స్ తో ఎప్పటికప్పుడు ఆశ్చర్యపరిచే మహేష్ ఒక్క తెలుగులోనే కాదు పాన్ ఇండియా హీరో అయితే బాగుండు అని చాలా మందే కోరుకున్న వారు ఉన్నారు.
ఇక ఈ ఎంట్రీ ఎట్టకేలకు ఇండియాస్ టాప్ దర్శకుడు అయినటువంటి ఎస్ ఎస్ రాజమౌళి తోనే ముందు అనౌన్స్ అయ్యింది. అయితే దీని కన్నా ముందే తన మరో హ్యాట్రిక్ దర్శకుడు అయినటువంటి త్రివిక్రమ్ శ్రీనివాస్ తో ఒక సినిమా అది కూడా పాన్ ఇండియా లెవెల్లోనే చేయడానికి రెడీగా ఉన్నాడు.
ఇక ఇప్పుడు ఈ క్రేజీ సినిమాపై లేటెస్ట్ అప్డేట్ ఒకటి ఇండస్ట్రీ వర్గాల నుంచి వినిపిస్తుంది. ఈ చిత్రాన్ని చిత్ర బృందం ఈ వచ్చే ఫిబ్రవరి 3నే లాంచ్ చేయనున్నారట. హైదరాబాద్ లో ఒక పూజా కార్యక్రమం తో ఈ సినిమాని లాంచ్ చేయనున్నారట.
అంతే కాకుండా వచ్చే మార్చ్ నెల నుంచే ఈ సినిమా రెగ్యులర్ షూటింగ్ ని కూడా స్టార్ట్ చేసుకోనుంది అని తెలుస్తుంది. అలాగే ఈ సినిమాలో సెకండ్ హీరోయిన్ గా భీమ్లా నాయక్ నటి సంయుక్త కూడా ఆల్ మోస్ట్ కన్ఫర్మ్ అని తెలుస్తుంది. ఇక ఈ సాలిడ్ సినిమాకి థమన్ సంగీతం అందివ్వనుండగా హారికా హాసిని వారు హై బడ్జెట్ తో నిర్మాణం వహించనున్నారు.