Naga Chaitanya and Samantha : ‘ఓ బేబీ’ సినిమాలో సమంత నటనకు విమర్శకుల ప్రశంసలు దక్కాయ్. దర్శకురాలిగా నందినీ రెడ్డి సక్సెస్ అవ్వడానికి ఈ సినిమాలో సమంత నటనే ముఖ్య కారణం అనడం అతిశయోక్తి కాదు. అందుకే, డైరెక్టర్ నందినీ రెడ్డికి సమంత అంటే అమితమైన అభిమానం.
ఆ తర్వాత సమంతతో నందినీ రెడ్డి ఓ సినిమా తెరకెక్కించాల్సి వుంది. ఈ సినిమాలో నాగచైతన్య హీరోగా నటించాలి. అయితే, ఇదంతా చైతూ, సమంత విడాకులకు ముందు ఒప్పుకున్న ప్రాజెక్టు ముచ్చట. విడాకుల అనంతరం ఈ ప్రాజెక్టు అయోమయంలో పడింది.
తాను ఎంచుకున్న క్యారెక్టర్స్కి సమంత, నాగచైతన్య అయితేనే ప్రాణం పెట్టగలరని నందినీ రెడ్డి అభిప్రాయమట. కానీ, ప్రస్తుతం చై, సామ్ మధ్య వున్న క్లాషెస్ కారణంగా నందినీ రెడ్డి రిస్క్ చేయలేకపోతోందట. ఆ దిశగా ఈ ప్రాజెక్టులో సమంత ప్లేస్ని మరో హీరోయిన్తో రీప్లేస్ చేయాలని ప్రయత్నించిందట నందినీ రెడ్డి. కానీ, ఆ మార్పు పట్ల నందినీ రెడ్డి సంతృప్తికరంగా లేదని తెలుస్తోంది.
ఎలాగైనా సమంతను ఈ ప్రాజెక్టులో భాగం చేయాలనుకుంటోందట. ఆ దిశగా సమంతతో సంప్రదింపులు కూడా జరుగుతున్నాయట. నందినీ రెడ్డిపై వున్న అభిమానంతో సమంత ఒప్పుకునేందుకు అవకాశాలు కనిపిస్తున్నాయంటున్నారు.
అవును రీల్ లైఫ్ వేరు, రియల్ లైఫ్ వేరు.. అదే అభిప్రాయంలో సమంత కూడా వుంటే, జరుగుతున్న ప్రచారం నిజం కావచ్చేమో. అదే జరిగితే, సమంత, చైతూ జంట తెరపై చేసే మ్యాజిక్ మరోసారి చూసే అదృష్టం ఫ్యాన్స్కి దక్కుతుంది. కానీ, ఇది సాధ్యమేనా.? లెట్స్ వెయిట్ అండ్ సీ.!