Vijay: సినీ ఇండస్ట్రీలో సెలబ్రిటీలు ఇప్పటికే ఎంతోమంది రాజకీయాల్లోకి ఎంట్రీ ఇచ్చిన విషయం అందరికి తెలిసిందే. సెలబ్రిటీలు రాజకీయాల్లోకి ఎంట్రీ ఇవ్వడం అన్నది ఎప్పటి నుంచో జరుగుతుంది అన్న విషయం తెలిసిందే. ఈ నేపథ్యంలోనే కొందరు సెలబ్రిటీలు పార్టీలలో చేరుతుండగా కొందరు సెలబ్రిటీలు మాత్రం ఏకంగా కొత్త పార్టీలు పెడుతున్నారు. కోలీవుడ్ స్టార్ హీరో విజయ్ కూడా త్వరలోనే రాజకీయాల్లోకి ఎంట్రీ ఇవ్వబోతున్నాడు అని తెలుస్తోంది. రాజకీయాలవైపు వద్దు వద్దు అంటూనే గ్రీన్ సిగ్నల్ ఇచ్చినట్టు తెలుస్తోంది.
హీరో విజయ్ రాజకీయ ఎంట్రీపై గత కొంత కాలంగా వార్తలు వినిపిస్తున్న సంగతి మనందరికీ తెలిసిందే. విజయ్ తండ్రి డైరెక్టర్ ఎస్ ఎమ్ చంద్రశేఖర్ విజయ్ మక్కల్ ఇయక్కం అనే పార్టీ పేరును ఇటీవలే రిజిస్టర్ చేయించిన విషయం తెలిసిందే. ఇదే విషయంపై తండ్రీ కొడుకుల మధ్య మనస్పర్థలు రావడం.. అదేవిధంగా ఆ పార్టీతో తనకు ఎలాంటి సంబంధం లేదు అంటూ విజయ్ స్టేట్మెంట్లు కూడా ఇచ్చాడు. అయితే విజయ్ కి రాజకీయాల్లోకి రావాలన్న కోరిక ఉందని, తన రాజకీయ రంగ ప్రవేశానికి పునాదులు చేసుకుంటున్నారు అంటూ ప్రస్తుతం కోలీవుడ్ సినీ వర్గాలలో వార్తలు వినిపిస్తున్నాయి. కాకపోతే ఇదే విషయంపై విజయ్ బయట పడటం లేదని.. కానీ లోలోపల మాత్రం తనకు కావాల్సిన ఏర్పాట్లు చేసుకుంటున్నారు అని వార్తలు వినిపిస్తున్నాయి.
మొత్తానికి విజయ్ ఎదో ఒక రోజు రాజకీయాల్లోకి ఎంట్రీఇస్తారు అని విజయ్ అభిమానులు ఎంతో ధీమాగా ఉన్నారు. ఇప్పుడు ఆ దిశగా తొలి అడుగు పడింది. తమిళనాడు పట్టణ స్థానిక సంస్థల ఎన్నికలలో పోటీ చేసేందుకు తన అభిమాన సంఘం ఆల్ ఇండియా తలపతి విజయ్ మక్కల్ ఇయక్కమ్ సభ్యులకు అనుమతిచ్చాడు విజయ్. ఫిబ్రవరి 19న పట్టణ స్థానిక ఎన్నికలు జరగనున్నాయి. ఫిబ్రవరి 22న ఓట్ల లెక్కింపు జరగనుంది. ఈ నేపథ్యంలో తమిళనాడులో కొత్త చర్చ ప్రారంభమైంది. రానున్న లోక్ సభ, అసెంబ్లీ ఎన్నికల బరిలోకి విజయ్ దిగే అవకాశం ఉందా? అనే చర్చ జోరుగా సాగుతోంది.