Yash Birthday : మన దక్షిణాది సినిమా నుంచి రానున్న కొన్ని సినిమాల్లో మొత్తం భారతీయ సినిమాని ఏలడానికి సిద్ధంగా ఉన్న వాటిలో “కేజీఎఫ్ చాప్టర్ 2” కూడా ఒకటని చెప్పడంలో ఎలాంటి సందేహం లేదు. తమ మొదటి సినిమాతోనే పాన్ ఇండియన్ వైడ్ భారీ క్రేజ్ ని నెలకొల్పిన ఈ చిత్ర బృందం కేజీఎఫ్ 1 కి కొనసాగింపు సినిమాని రివీల్ చేయడంతో దానిపై కనీ వినీ ఎరుగని రీతి అంచనాలు నెలకొన్నాయి.
అందుకే చాప్టర్ 2 ఎప్పుడెప్పుడు వస్తుందా అని అంతా చాలా ఆసక్తిగా ఎదురు చూస్తున్నారు. అయితే ఈ సినిమాకి ఇంత క్రేజ్ రావడానికి కారణం ఈ సినిమాలో కనిపించే అత్యంత పవర్ ఫుల్ హీరో పాత్ర. దానిని యష్ రాకీ భాయ్ గా పరకాయ ప్రవేశం చేసి మాస్ ఆడియెన్స్ కి పూనకాలు తెప్పించాడు.
భాష ఏదైనా కూడా రాకీ ఇచ్చిన గూజ్ బంప్స్ మాత్రం ఇప్పటికీ ఎవరూ మర్చిపోరు. మరి గత ఏడాది యష్ బర్త్ డే భారీ ట్రీట్ ఇచ్చిన చిత్ర యూనిట్ ఈసారి బర్త్ డే కి మాత్రం ఒక అదిరే పోస్టర్ ని రిలీజ్ చేసారు. ఇందులో రాకీ ని టచ్ చెయ్యాలి అంటే డేంజర్ తో పని అన్నట్టుగా ఒక బోర్డు ని పెట్టి దాని వెనకాల నిలబడ్డ రాకీ గా యష్ అదిరిపోయాడు.
ఇక ఇదే పోస్టర్ తో ఇంకో భారీ అప్డేట్ ని కూడా చిత్ర బృందం కన్ఫర్మ్ చేశారు. ఈ సినిమా వాయిదా లేదని వచ్చే ఏప్రిల్ 14 నే అనుకున్నట్టుగా రిలీజ్ చేస్తున్నట్టుగా బిగ్గెస్ట్ అప్డేట్ ని కన్ఫర్మ్ చేశారు. దీనితో ఈ మోస్ట్ అవైటెడ్ సినిమా రాకపై ఒక క్లారిటీ అందరికీ వచ్చింది. మొత్తానికి మాత్రం యష్ అభిమానులు తమ హీరో బర్త్ డే కి మంచి ట్రీట్ చేసుకుంటున్నారు.
Caution⚠️ Danger ahead !
Birthday wishes to our ROCKY BHAI @Thenameisyash.#KGFChapter2 @prashanth_neel @VKiragandur @HombaleGroup @duttsanjay @TandonRaveena @SrinidhiShetty7 @VaaraahiCC @excelmovies@AAFilmsIndia @DreamWarriorpic @PrithvirajProd #KGF2onApr14 #HBDRockingStarYash pic.twitter.com/TVeHXcsCzx— Hombale Films (@hombalefilms) January 8, 2022