ఆకాష్ పూరీ హీరోగా కేతికా శర్మ హీరోయిన్‌గా తెరకెక్కిన చిత్రం ‘రొమాంటిక్’. త్వరలో విడుదలకు సిద్ధంగా ఉంది. ఈ నేపథ్యంలో చిత్ర యూనిట్ సినిమాపై బజ్ పెంచే దిశగా భారీ ఎత్తున ప్రమోషన్ కార్యక్రమాలు చేపట్టింది. కాగా, ప్రమోషన్స్ అన్నీ, హీరోయిన్ కేతికా శర్మ గ్లామర్ చుట్టూనే జరుగుతుండడం విశేషం.
కేతికా శర్మకు ఇదే తొలి సినిమా అయినప్పటకీ, అంతకు ముందే సోషల్ మీడియాలో పిచ్చ పాపులర్ ఈ పాప. హాట్ హాట్ ఫోటో షూట్లతో విపరీతమైన ఫాలోయింగ్ సంపాదించుకుంది. ఆ హాట్ ఫోటో షూట్స్‌తోనే బహుశా పూరీ జగన్నాధ్ దృష్టిని ఆకర్షించిందేమో కూడా. మొత్తానికి పూరీ లాంటి డైరెక్టర్ చేతిలో పడింది.
ఈ సినిమాకి డైరెక్టర్ అనిల్ పాడూరి అయినా, కథ, స్క్రీన్‌ప్లే బాధ్యతలు మాత్రం పూరీవే. పూరీ సినిమాల్లో హీరోయిన్స్‌కి హాట్ అప్పీల్ కాస్త ఎక్కువగా ఉంటుంది. ఆ డోస్ ఆల్రెడీ కొట్టిన పిండే అయిన కేతికా ఈ సినిమాలో రెచ్చిపోయి మరీ అందాల ప్రదర్శన చేసేసింది. అస్సలేమాత్రం మొహమాటపడకుండా హండ్రెడ్ పర్సంట్ టైటిల్‌ని జస్టిఫై చేసిందని ఆల్రెడీ సినిమా చూసిన వాళ్ల ద్వారా అందుతోన్న సమాచారం.
మరి, ‘రొమాంటిక్’కి కేతికా అందాలు నిజంగానే ప్లస్ అయ్యాయా.? లేదా.? అనేది తెలియాలంటే ఈ నెల 29 వరకూ ఆగాల్సిందే.