ఉలగ నాయగన్ కమల్ హాసన్ హీరోగా నటించిన లేటెస్ట్ భారీ ఏక్షన్ డ్రామా “విక్రమ్”. తన వింటేజ్ బ్లాక్ బస్టర్ హిట్ సినిమా విక్రమ్ కి సీక్వెల్ గా తెరకెక్కింది. అయితే దీనిని విక్రమ్ హిట్ లిస్ట్ గా యంగ్ దర్శకుడు లోకేష్ కనగ్ రాజ్ తెరకెక్కించాడు.
కమల్ హాసన్ తో పాటుగా మక్కల్ సెల్వం విజయ్ సేతుపతి, మలయాళ స్టేర్ హీరో ఫహద్ ఫాజిల్ లాంటి నటులు కూడా ఉన్నారని అనౌన్స్ కావడంతో ఈ సినిమాపై అత్యంత ఆసక్తి అందరిలో నెలకొంది. అయితే వీరితో పాటుగా హీరో సూర్య కూడా భాగం అయ్యాడని తెలిసాక నెక్స్ట్ లెవెల్లోకి ఈ సినిమా హైప్ వెళ్ళిపోయింది.
మరి ఇప్పుడు ఇదే హైప్ ఈ ఏడాదిలో మన ఇండియన్ సినిమాల నుంచి రికార్డు స్క్రీన్స్ లో రిలీజ్ చేస్తున్నట్టు తెలుస్తుంది. తమిళ మీడియా వర్గాలు చెబుతున్న దాని ప్రకారం అయితే అన్ని భాషలు అన్ని దేశాల్లో కలిపి ఈ చిత్రం 5 వేలకి పైగా థియేటర్స్ లో రిలీజ్ కి ప్లాన్ చేస్తున్నట్టు తెలుస్తుంది.
ఇక్కడ ఇంట్రెస్టింగ్ అంశం ఏమిటంటే తమిళ్ కన్నా హిందీలోనే ఎక్కువ స్క్రీన్స్ లో ఈ సినిమా రిలీజ్ అవుతుంది. ఇక ఈ సినిమాలో అయితే ఫీమేల్ లీడ్ ఎవరు లేరని తెలుస్తుంది. సూర్య పాత్ర అయితే చాలా పవర్ ఫుల్ గా ఉండగా ప్రపంచ వ్యాప్తంగా ఈ సినిమా ఈ జూన్ 3న విడుదల కాబోతుంది. అలాగే అనిరుద్ ఈ సినిమాకి సంగీతం ఇచ్చాడు.