మెగా బ్రదర్ నాగబాబ కూతురు నిహారిక గురించి ప్రత్యేకంగా పరిచయం చేయాల్సిన అవసరం లేదు. మొదట బుల్లితెర మీద యాంకర్ గా తన ప్రయాణం మొదలుపెట్టిన నిహారిక తర్వాత సినిమాలలో హీరోయిన్ గా కూడా నటించింది. కానీ ఆమె నటించిన సినిమాలు హిట్ కాకపోవటంతో హీరోయిన్ గా మంచి గుర్తింపు దక్కించుకోలేకపోయింది. ప్రస్తుతం నిహారిక వెబ్ సిరీస్ ల మీద దృష్టి పెట్టింది. వివాహం చేసుకున్న తర్వాత నిహారిక సినిమాలకి దూరంగా అంటూ వెబ్ సీరీస్ లలో నటిస్తూ వాటి నిర్మాణ భాద్యతలు నిర్వహిస్తోంది.
నిహారిక హ్యాపీ వెడ్డింగ్ సినిమాలో హీరో సుమంత్ అశ్విన్ తో కలిసి నటించింది. సుమంత్ అశ్విన్ నటించిన సినిమాలు హిట్ అవ్వటంతో హీరోగా మంచి గుర్తింపు పొందాడు. ప్రస్తుతం సుమంత్ అశ్విన్ నటించిన 7 డేస్ 6 నైట్స్ సినిమా మరికొన్ని రోజుల్లో ప్రేక్షకుల ముందుకి రానుంది. ఈ సినిమా ప్రమోషన్స్ లో భాగంగా సుమంత్ అశ్విన్ ఇటీవల ఒక ఇంటర్వ్యూలో పాల్గొన్నాడు. ఈ క్రమంలో సుమంత్ ఎన్నో ఆసక్తికర విషయాల గురించి చెప్పుకొచ్చాడు. ప్రొడ్యూసర్ గా తన తండ్రి నిర్మించిన ఎన్నో సినిమాలు ప్లాప్ అయినప్పటికీ ఇంట్లో దాని ప్రభావం ఏమీ ఉండదని సుమంత్ అశ్విన్ చెప్పుకొచ్చాడు.
ఇక హ్యాపీ వెడ్డింగ్ సినిమాలో నిహారికతో కలిసి నటించిన సుమంత్ నిహారిక గురించి పలు ఆసక్తికర విషయాలను బయట పెట్టాడు. నిహారిక ఎంతో మంచి అమ్మాయి. స్టార్ కిడ్ అన్న ఈగో లేకుండా అందరితో కలిసిపోతుంది. అందరికీ ఎనర్జీ వచ్చేలా నిహారిక ప్రవర్తన ఉంటుందని సుమంత్ అశ్విన్ చెప్పుకొచ్చారు. సినిమా షూటింగ్ సమయంలో నిహారిక ఒక హోటల్ ను చూపించి అక్కడ దెయ్యాలు ఉంటాయని చెప్పి నన్ను చాలా భయపెట్టింది అంటూ సుమంత్ ఈ సందర్భంగా చెప్పుకొచ్చాడు.