Rajamouli – Mahesh film : జేజమ్మ అనుష్క ఆ క్రేజీ ప్రాజెక్టు కొట్టేసిందా.? మరోసారి రాజమౌళి, అనుష్కతో ఆ మ్యాజిక్ చేయబోతున్నాడా.? అవుననే అంటున్నాయ్ టాలీవుడ్ వర్గాలు. ఇంతకీ ఏంటా మ్యాజిక్.? అనుష్క కొట్టేసిన ఆ క్రేజా ప్రాజెక్ట్ ఏంటీ.?
‘ఆర్ఆర్ఆర్’ సినిమాతో సంచలనాలు తిరగరాసిన జక్కన్న, మహేష్ బాబుతో ఓ సినిమా చేయనున్న సంగతి తెలిసిందే. ఈ సినిమాకి సంబంధించి ఓ స్టోరీ లైన్ కూడా సిద్ధం చేసుకున్నాడు రాజమౌళి. అది డెవలప్ కాగానే, సినిమాని పట్టాలెక్కిస్తాడు. అయితే, అందుకు చాలానే టైముందిలెండి.
అయితే, తాజాగా ఈ ప్రాజెక్టుకు సంబంధించి ఓ గాసిప్ చక్కర్లు కొడుతోంది. అదేంటంటే, ఈ సినిమాలో అనుష్క హీరోయిన్గా నటించబోతోందట. గతంలో మహేష్బాబుతో ‘ఖలేజా’ సినిమాలో అనుష్క నటించింది. ఆ సినిమా సూపర్ హిట్. ఆన్ స్క్రీన్ ఈ పెయిర్ కూడా సూపర్ డూపర్ హిట్.
ఇక రాజమౌళి విషయానికి వస్తే, జేజమ్మతో మంచి అనుబంధం వుంది రాజమౌళికి. ‘బాహుబలి’ సినిమా ఆరు ప్రాణాల్లో ఒక ప్రాణం అనుష్క కూడా. అందుకే, అనుష్కని తన ప్రాజెక్టులో ఈ సారి భాగం చేసుకోవాలనుకుంటున్నాడట రాజమౌళి.
ప్రస్తుతం బాగా బరువు పెరిగిన అనుష్క, రాజమౌళి సినిమా కోసం బరువు తగ్గే పనిలో వుందట. తొందర్లోనే ఆ మేకోవర్ లుక్స్తో షాకివ్వబోతోందట జేజమ్మ. అదీ సంగతి.
ప్రస్తుతం బాగా బరువు పెరిగిన అనుష్క, రాజమౌళి సినిమా కోసం బరువు తగ్గే పనిలో వుందట. తొందర్లోనే ఆ మేకోవర్ లుక్స్తో షాకివ్వబోతోందట జేజమ్మ. అదీ సంగతి.