Samantha signs for action : అక్కినేని నాగచైతన్యతో విడాకుల తర్వాత సమంత జోరు మరింత పెరిగింది. ‘ఫ్యామిలీ మేన్’ వెబ్ సిరీస్ తర్వాత మారిన సమంత ఇమేజ్ కారణంగా ఆమెకు వరుస అవకాశాలు.. అందునా వెరీ వెరీ స్పెషల్ రోల్స్ ఆమెకు దక్కుతున్నాయి. ‘పుష్ప’ సినిమాలో సమంత చేసింది స్పెషల్ సాంగే అయినా, హీరోయిన్గా నటించిన రష్మిక కంటే, సమంతకే ‘పుష్ప’ ఎక్కువ పేరు తెచ్చిపెట్టిందన్నది నిర్వివాదాంశం.
అసలు విషయానికొస్తే, ఓ టాలీవుడ్ సెన్సేషనల్ డైరెక్టర్, సమంతతో ఓ యాక్షన్ థ్రిల్లర్ తెరకెక్కించబోతున్నాడట. ఓ ప్రముఖ హీరోతో సినిమాని ఇప్పటికే ప్రకటించిన ఆ ప్రముఖ యంగ్ అండ్ డైనమిక్ డైరెక్టర్, ఆ సినిమా తెరకెక్కించడానికి కాస్త సమయం పట్టే అవకాశం వుండడంతో ఈలోగా ఓ యాక్షన్ థ్రిల్లర్ రూపొందించే సన్నాహాల్లో వున్నాడట.
సదరు దర్శకుడి దర్శకత్వంలో సమంత గతంలో ఓ సినిమా చేసింది కూడా. ఆ దర్శకుడెవరు.? అన్నది ప్రస్తుతానికి సస్పెన్స్. టాలీవుడ్కి చెందిన ఓ ప్రముఖ నిర్మాణ సంస్థతోపాటు ఓ కోలీవుడ్ నిర్మాణ సంస్థ కూడా ఈ ప్రాజెక్టుని సంయుక్తంగా తెరకెక్కించబోతోందట.
సమంతకి సంబంధించినంతవరకు ఇది పాన్ ఇండియా ప్రాజెక్ట్ అవుతుందనే చర్చ సినీ వర్గాల్లో జరుగుతోంది.