Gali Janaardhan Reddy: సాధారణంగా రాజకీయాలలో ఎంతో అనుభవం ఉన్న వారు ఒకప్పుడు సినిమాలలో నటించి విశేషమైన గుర్తింపు సంపాదించుకున్న అనంతరం రాజకీయాల్లోకి ఎంట్రీ ఇచ్చిన వారే ఉన్నారు. ఇలా రాజకీయాలకు, సినిమాలకు మంచి అవినాభావ సంబంధం ఉంది. ఈ క్రమంలోనే ఎంతో మంది రాజకీయ నాయకులు సినిమా ఇండస్ట్రీలోకి అడుగు పెట్టడం లేదా సినీ సెలబ్రిటీలు రాజకీయాల్లోకి అడుగు పెట్టడం జరుగుతుంది.ఇప్పటికే ఎంతోమంది వారసులు ఇలా ఇండస్ట్రీలో ఉండగా తాజాగా మరో రాజకీయ వారసుడు సినిమా ఇండస్ట్రీ లోకి ఎంట్రీ ఇవ్వడానికి సిద్ధమయ్యారు.
కర్ణాటక మాజీ మంత్రి గాలి జనార్దన్ రెడ్డి గురించి మనందరికీ తెలిసిందే. ఈ క్రమంలోని గాలి జనార్దన్ రెడ్డి తనయుడు కిరీటి రెడ్డి సినిమా ఇండస్ట్రీ లోకి ఎంట్రీ ఇవ్వడానికి రంగం సిద్ధం చేస్తున్నట్లు తెలుస్తోంది. చిన్నప్పటి నుంచి సినిమాలంటే ఎంతో ఇష్టం ఉన్న కిరీటి రెడ్డి ఇండస్ట్రీలోకి రావాలని ఇప్పటికే తగు శిక్షణలు తీసుకుంటున్నట్లు సమాచారం.త్వరలోనే ఆయన ఇండస్ట్రీలోకి అడుగు పెట్టబోతున్నట్లు డైరెక్టర్ రాధాకృష్ణ రెడ్డి ఓ సందర్భంలో పేర్కొన్నారు.
కన్నడ నటుడు పునీత్ రాజ్ కుమార్ నటించిన జాకీ సినిమా ద్వారా ఇన్స్పైర్ అయిన కిరీటి రెడ్డి ఇండస్ట్రీ లోకి రావాలని ఎన్నో కసరత్తులు చేస్తున్నాడు. ఈ క్రమంలోనే డైరెక్టర్ సాయికొర్రపాటి ఎంతో గ్రాండ్ గా గాలి జనార్దన్ రెడ్డి తనయుడు కిరీటి రెడ్డిని ఇండస్ట్రీలోకి లాంచ్ చేయడానికి అన్ని ప్రణాళికలను రూపొందిస్తున్నట్లు సమాచారం.ఇక గాలి జనార్దన్ రెడ్డికి తెలుగు సినిమా ఇండస్ట్రీలోని పలువురు ప్రముఖులతో మంచి అనుబంధం ఉండటం వల్ల తెలుగు దర్శకులు కూడా ఆయనకు కొన్ని సలహాలు సూచనలు ఇస్తున్నట్లు తెలుస్తోంది.