Ram Charan :ఇప్పుడు మెగా పవర్ స్టార్ రామ్ చరణ్ క్రేజ్ కూడా పాన్ ఇండియా స్థాయిలో ఓ రేంజ్ లోకి వెళుతుంది. ఇప్పుడు నటించిన చిత్రం “ట్రిపుల్ ఆర్” అనంతరం తన మరిన్ని భారీ చిత్రాలతో అది ఆల్రెడీ కన్ఫర్మ్ అయ్యింది. దీనితో ఇప్పుడు ఇండియన్ సినిమా దగ్గర మెగా పవర్ స్టార్ రామ్ చరణ్ పేరు కూడా గట్టిగా వినిపిస్తోంది.
అయితే ఇప్పటి వరకు వెండితెరపై కనిపించి అదరగొట్టిన చరణ్ లేటెస్ట్ గా ఓ కీలక డెసిషన్ తీసుకున్నాడని సినీ వర్గాల్లో టాక్ వినిపిస్తోంది. అదే తాను మొట్ట మొదటిసారిగా ఓటీటీ లోకి అడుగు పెట్టబోతున్నాడట. ఓటీటీ లో ఎంట్రీ అంటే మళ్లీ నిర్మాతగా కాదు నటుడు గానే.. అది కూడా ఒక భారీ వెబ్ సిరీస్ లో అన్నట్టుగా తెలుస్తోంది.
ఇంకా లోతుగా వెళితే ప్రపంచంలో దిగ్గజ ఓటిటి సంస్థ అయినటువంటి నెట్ ఫ్లిక్స్ వారు ఒక అమెరికాలో హ్యూజ్ సిరీస్ తాలూకా ఓటిటి రీమేక్ హక్కులు ఇండియన్ వెర్షన్ కి గాను తీసుకున్నారట. మరి ఇందులో మెయిన్ లీడ్ లో నటంచేందుకు రామ్ చరణ్ ని మొదటగా సంప్రదించారట.
అయితే దీనికి గాను చరణ్ సానుకూలంగా స్పందించినట్టు తెలుస్తోంది. మరి దీన్నెప్పుడు స్టార్ట్ చేస్తారు? ఎప్పుడు ఫినిష్ చేస్తారు అనేవి ఇంకా తెలియాల్సి ఉంది. అలాగే దీనిని భారీ స్కేల్ లోనే తీస్తారని తెలుస్తోంది. అయితే ఆల్రెడీ నెట్ ఫ్లిక్స్ నుంచి కంటెంట్ అంటేనే వేరే లెవెల్లో నే ఉంటుంది అని అందరికీ తెలిసిందే.