అల్లు అర్జున్, డైరెక్టర్ సుకుమార్ క్రేజీ కాంబినేషన్ లో వస్తున్న హ్యాట్రిక్ మూవీ “పుష్ప” నుండి కొత్త అప్డేట్ వచ్చింది. ఈ చిత్రానికి సంగీతాన్ని అందిస్తున్న దేవీ శ్రీ ప్రసాద్ పుట్టినరోజు సందర్బంగా ఫస్ట్ సాంగ్ విడుదల తేదీని మేకర్స్ ప్రకటించారు. మొత్తం ఐదు భాషలలో ఆగష్టు 13న రిలీజ్ చేస్తున్న ఈ సాంగ్ ని తెలుగులో శివమ్, కన్నడలో విజయ్ ప్రకాష్, మలయాళంలో రాహుల్ నంబియార్, తమిళంలో బెన్ని దయాల్, హిందీలో విశాల్ దద్లానీ వంటి గ్రేట్ సింగర్స్ పాడటం విశేషం. తెలుగులో ‘దాక్కో దాక్కో మేక.. పులొచ్చి కొడుతోంది పీక…హుయ్’ అంటూ సాగే ఈ పాట ఎలాంటి మ్యాజిక్ క్రియేట్ చేస్తుందో చూడాలి.
ఫారెస్ట్ బ్యాక్ డ్రాప్ లో ఎర్ర చందనం స్మగ్లింగ్ నేపథ్యంలో పాన్ ఇండియా రేంజ్ లో తెరకెక్కుతున్న ఈ మూవీలో స్మగ్లింగ్ చేసే లారీ డ్రైవర్ పాత్రలో అల్లు అర్జున్ నటిస్తున్నాడు. రష్మిక మందన్న హీరోయిన్ గా, మలయాళ స్టార్ హీరో ఫహద్ ఫాజిల్ విలన్గా అలరించబోతున్నారు. ఇప్పటికే ఈ సినిమా నుండి విడుదలైన ఫస్ట్ లుక్, టీజర్లు అభిమానుల్ని విపరీతంగా ఆకట్టుకున్నాయి. ‘అల.. వైకుంఠపురములో’ వంటి భారీ హిట్ తర్వాత అల్లు అర్జున్ నటిస్తోన్న ఈ సినిమాపైన భారీ అంచనాలు ఉన్నాయి. మైత్రి మూవీ మేకర్స్ ఈ చిత్రాన్ని భారీ బడ్జెట్ తో రెండు పార్ట్ లుగా నిర్మిస్తున్నారు.