నందమూరి కుటుంబానికి సంబంధించి సినిమాలు, రాజకీయాలు వేర్వేరు కాదు. స్వర్గీయ నందమూరి తారకమారారావు స్థాపించిన టీడీపీ కోసం గతంలో యంగ్ టైగర్ ఎన్టీయార్, ఆయన సోదరుడు కళ్యాణ్ రామ్ పని చేశారు. అయితే, ఆ తర్వాత ఇద్దర్నీ టీడీపీ పక్కన పెట్టింది.
ప్రధానంగా యంగ్ టైగర్ ఎన్టీయార్, గతంలో టీడీపీ తరఫున ఉమ్మడి తెలుగు రాష్ట్రంలో పర్యటించారు.. ఈ క్రమంలోనే ఆయన రోడ్డు ప్రమాదానికి గురై, అదృష్టవశాత్తూ ప్రాణాలతో బయటపడ్డారు.
అంతలా టీడీపీ కోసం ఎన్టీయార్ కష్టపడ్డా, ఆయన్ని టీడీపీ దూరం పెట్టింది. లోకేష్‌ని ప్రమోట్ చేసే క్రమంలో ఎన్టీయార్‌ని డీ-గ్రేడ్ చేస్తూ వచ్చింది టీడీపీ. ఇప్పటికీ టీడీపీ నేతలు కొందరు, యంగ్ టైగర్ ఎన్టీయార్ మీద విమర్శలు చేస్తూనే వుంటారు.
అయితే, తాతయ్య స్థాపించిన పార్టీ పట్ల ఎన్టీయార్, కళ్యాణ్‌రామ్‌లలో ఎప్పటికీ అభిమానం తగ్గదు. అయితే, ఈ మధ్య, ‘జై ఎన్టీయార్’ నినాదాలతో టీడీపీ జెండాలు.. అదీ యంగ్ టైగర్ బొమ్మతో కనిపిస్తున్నాయి. మరి, ఈ విషయంలో కళ్యాణ్ రామ్ ఏమనుకుంటున్నాడు.?
ఒకవేళ టీడీపీ పగ్గాల్ని ఎన్టీయార్ చేపట్టాల్సి వస్తే, చంద్రబాబుని కాదని కళ్యాణ్ రామ్, తన సోదరుడు జూనియర్ ఎన్టీయార్‌కి మద్దతిస్తాడా.? ఇవ్వడా.? ఈ చర్చ రాజకీయ, సినీ వర్గాల్లో జోరుగా సాగుతోంది.