Mahesh Babu And Trivikram : టాలీవుడ్ ఆల్ టైం అందగాడు సూపర్ స్టార్ మహేష్ బాబు హీరోగా ప్రెజెంట్ హిట్ దర్శకుడు పరశురామ్ పెట్ల తో “సర్కారు వారి పాట” అనే క్రేజీ సినిమా చేస్తున్న సంగతి తెలిసిందే. వరుసగా మూడు బ్లాక్ బస్టర్స్ తర్వాత చేస్తున్న సినిమా ఇది కావడంతో అభిమానులు చాలా ఆసక్తిగా అంచనాలు పెట్టుకొని ఎదురు చూస్తున్నారు.
మరి ఈ సినిమా తర్వాత మహేష్ బాబు ఇంట్రెస్టింగ్ లైనప్ ని సెట్ చేసుకున్నాడు. మొదటగా మాటల మాంత్రికుడు త్రివిక్రమ్ శ్రీనివాస్ తో అలాగే ఇండియాస్ టాప్ దర్శకుడు శంకర్ తో ఓ సినిమాని సెటప్ చేసి ఫ్యూచర్ లో గట్టి హాప్ ని ఫ్యాన్స్ కి ఇచ్చాడు. అయితే వీటిలో త్రివిక్రమ్ తో ప్రాజెక్ట్ పై క్రేజీ అప్డేట్ తెలుస్తుంది.
ఈ సినిమా ఒక మల్టీ స్టారర్ గా తెరకెక్కనుందట. అంటే మహేష్ తో పాటుగా మరో స్టార్ హీరో ఈ సినిమాలో కనిపిస్తాడని ఇండస్ట్రీ వర్గాల్లో బజ్. అయితే మహేష్ తో కనిపించే మరో హీరో మన తెలుగు హీరో కాదట. వేరే ఇండస్ట్రీ నుంచి ఓ హీరోని పెట్టనున్నట్టు తెలుస్తుంది.
మరి ఆ హీరో ఎవరో ఏ పాత్రలో చూపిస్తారో అనే ఇతర అంశాలు తెలియాల్సి ఉంది. ఇక ఈ సినిమాలో కూడా పూజా హెగ్డే హీరోయిన్ గా నటిస్తుండగా థమన్ సంగీతం ఇస్తున్నాడు. అలాగే త్రివిక్రమ్ ఫామిలీ గా మరీనా బ్యానర్ హారికా హాసిని వారు ఈ చిత్రాన్ని భారీ బడ్జెట్ తో పాన్ ఇండియా లెవెల్లో చేయనున్నారు.