తెలంగాణలో కరోనా కేసులు యాభైవేల‌కు చేరువ అయ్యాయి. ఇక ఒక్క‌రోజులోనే తెలంగాణలో 1,554 కరోనా పాజిటివ్ కేసులు నమోదవ‌గా, కరోనా కార‌ణంగా 9 మంది ప్రాణాలు కోల్పోయారు. అలాగే గ‌త 24 గంట‌ల్లో తెలంగాణలో 1281 మంది కరోనా నుండి కోలుకుని ఆస్ప‌త్రుల నుండి డిశ్చార్జ్ అయ్యారు. దీంతో ప్ర‌స్తుతం తెలంగాణ వ్యాప్తంగా కరోనా కేసుల సంఖ్య 49,259కు చేరుకుందని, రాష్ట్ర వైద్య ఆరోగ్య‌శాఖ తెలిపింది. ఇక కొత్త‌గా న‌మోదైన కరోనా కేసుల్లో అత్య‌ధికంగా జీహెచ్ఏంసీ ప‌రిధిలోనే 842 కరోనా పాజిటివ్ కేసులు న‌మోద‌వ‌డం గ‌మ‌నార్హం. ఇక తెలంగాణలో ఇప్ప‌టి వ‌ర‌కు కరోనా కార‌ణంగా 438 మంది మృతి చెంద‌గా, 37,666 మంది కోలుకున్నారు. దీంతో ప్ర‌స్తుతం రాష్ట్రంలో 11,155 కరోనా యాక్టీవ్ కేసులు ఉన్నాయి.
తెలంగాణలో ఆగ‌ని కరోనా.. తాజా లెక్క‌లు ఇవే..!
