బిగ్ బాస్4: వీడియోలతో అడ్డంగా బుక్కైన హారిక.. ఏడిపించిన నాగార్జున

Bigg Boss 4 Telugu week 12 Nagarjuna Targets Harika

బిగ్ బాస్ షోలో మొదటిసారిగా నిన్నటి ఎపిసోడ్‌లో నాగార్జున ఫుల్ యాక్టివ్ మోడ్‌లో ఉన్నాడు. మూడో సీజన్ నాల్గో సీజన్ మొత్తంలోనూ నాగార్జున నిన్నటి ఎపిసోడ్‌లో వరుసగా రాడ్లు దింపుతూనే ఉన్నాడు. ఓ కంటెస్టెంట్‌ను అంతలా హింసించడం, టార్గెట్ చేయడం, వరుసబెట్టి వీడియోలతో అడ్డంగా బుక్ చేయడం మరేతర సభ్యుల విషయంలో జరగలేదు. అలా నిన్నటి ఎపిసోడ్‌లో హారికను ఓ రేంజ్‌లో ఆడుకున్నాడు. నాగార్జున వరుసగా హారికను ఆడుకుంటూనే ఉన్నాడు.

Bigg Boss 4 Telugu week 12 Nagarjuna Targets Harika
Bigg Boss 4 Telugu week 12 Nagarjuna Targets Harika

బెస్ట్ కెప్టెన్ అంటూ హారికను ఇంటి సభ్యులు ఎన్నుకోవడంపై నాగార్జున సీరియస్ అయ్యాడు. కన్ఫెషన్ రూంలోకి పిలిచి మరీ తాటదీశాడు. నువ్ బెస్ట్ కెప్టెన్ కానే కాదంటూ ఆమె చేసిన తప్పులన్నీ విప్పి చూపించాడు. వీడియోలు ప్లే చేసి నిండా ముంచేశాడు. కన్నింగ్ గేమ్, సేఫ్ గేమ్ మొత్తాన్ని బయటకు చూపించాడు. మోనాల్‌కు చేసిన ద్రోహం, అఖిల్‌ను టార్గెట్ చేసిన విధానం, అభిజిత్‌కు మద్దతుగా తీసుకున్న నిర్ణయాల గురించి నాగార్జున క్లాస్ పీకాడు.

మోనాల్‌కు సాయం చేశానన్న నెపంతో హారిక బజర్ మోగిన తరువాత బట్టలు తీసుకువచ్చిన వీడియోను ప్లే చేశాడు.. అఖిల్‌తో స్వాప్ చేయాలని కోరినా కూడా హారిక మాత్రం అభిజిత్‌తో చేసిన వీడియోను, ఆ తరువాత హారిక మోనాల్ మాట్లాడుకున్న వీడియోను, అభిజిత్ మోనాల్ మాట్లాడుకున్న వీడియోలు, అభిజిత్ హారికలు మాట్లాడుకున్న వీడియోలను ప్లే చేసి ఉక్కిరిబిక్కిరి చేశాడు. దెబ్బకు హారిక కంట్లోంచి నీళ్లు వచ్చాయి.