ఆంధ్రప్రదేశ్లో బాల్ కార్పొరేషన్ భారీ పెట్టుబడి

అమరావతి, జనవరి 03: సస్టైనబుల్ అల్యూమినియం ప్యాకేజింగ్ రంగంలో ప్రపంచ స్థాయి సంస్థ బాల్ కార్పొరేషన్ (Ball Corporation) ఆంధ్రప్రదేశ్లో వ్యూహాత్మక పెట్టుబడులు పెట్టేందుకు ముందుకొచ్చింది. రాష్ట్రంలో పెరుగుతున్న పారిశ్రామిక అవకాశాలు, భవిష్యత్ అవసరాలను దృష్టిలో పెట్టుకుని ఈ నిర్ణయం తీసుకున్నట్లు సంస్థ వెల్లడించింది.

గౌరవ ముఖ్యమంత్రి శ్రీ నారా చంద్రబాబు నాయుడు సమక్షంలో జరిగిన కార్యక్రమంలో, బాల్ కార్పొరేషన్ – ఆంధ్రప్రదేశ్ రాష్ట్ర ప్రభుత్వం మధ్య అవగాహన ఒప్పందం (ఎంఓయూ)పై అధికారికంగా సంతకాలు జరిగాయి. ఈ ఒప్పందంతో రాష్ట్రంలో కీలక పెట్టుబడులకు బాటలు వేసినట్లయింది.

రాబోయే సంవత్సరాల్లో సుమారు 58 మిలియన్ అమెరికన్ డాలర్ల పెట్టుబడితో శ్రీ సిటీలోని బాల్ కార్పొరేషన్ ప్లాంట్లో అత్యాధునిక మౌలిక సదుపాయాల విస్తరణ చేపట్టనున్నారు. వినూత్న సాంకేతికతతో కూడిన కొత్త సదుపాయాల ఏర్పాటు ద్వారా సంస్థ కార్యకలాపాలను మరింత విస్తరించనున్నారు. ఈ పెట్టుబడితో స్థానికంగా ఉపాధి అవకాశాలు గణనీయంగా పెరగనున్నాయి. ప్రారంభ దశలోనే 25 ప్రత్యక్ష, 25 పరోక్ష ఉద్యోగాలు కల్పించనున్నట్లు సంస్థ వెల్లడించింది. దీని ద్వారా యువతకు ఉపాధి, రాష్ట్ర ఆర్థిక వ్యవస్థకు మరింత బలం చేకూరనుంది.

ఈ సందర్భంగా బాల్ బెవరేజ్ ప్యాకేజింగ్ ఇండియా – ఆసియా ప్రాంతీయ వాణిజ్య డైరెక్టర్ మణీశ్ జోషి మాట్లాడుతూ, “ఆంధ్రప్రదేశ్ ప్రభుత్వంతో కలిసి ఈ ప్రయాణాన్ని ప్రారంభించడం మాకు ఆనందంగా ఉంది. రాష్ట్రంలో ఉన్న అవకాశాలు, దీర్ఘకాలిక అభివృద్ధిపై ఉన్న దృష్టే మా పెట్టుబడికి ప్రేరణ. సస్టైనబుల్ వృద్ధి, ఆర్థికాభివృద్ధికి మా వంతు సహకారం అందిస్తాం” అని తెలిపారు.

సస్టైనబిలిటీ, వినూత్నత, సమాజాభివృద్ధిని ప్రధాన లక్ష్యాలుగా పెట్టుకున్న బాల్ కార్పొరేషన్, ఆంధ్రప్రదేశ్లో తన ఉనికిని మరింత బలోపేతం చేయాలని భావిస్తోంది. ఈ పెట్టుబడుల ద్వారా కస్టమర్లు, భాగస్వాములు, స్థానిక సమాజాలకు దీర్ఘకాలిక ప్రయోజనాలు చేకూర్చడంతో పాటు, రాష్ట్రాన్ని ప్రపంచ స్థాయిలో మరింత పోటీ సామర్థ్యంతో నిలబెట్టేందుకు తోడ్పాటు అందించనుంది.

________________________________________

బాల్ కార్పొరేషన్ గురించి:

పానీయాలు, వ్యక్తిగత సంరక్షణ, గృహోపకరణాల రంగాలకు వినూత్నమైన అల్యూమినియం ప్యాకేజింగ్ పరిష్కారాలను అందించే సంస్థ బాల్ కార్పొరేషన్. ప్రపంచవ్యాప్తంగా 16 వేల మందికిపైగా ఉద్యోగులు పనిచేస్తున్నారు. 2024లో సంస్థ నికర విక్రయాలు సుమారు 11.08 బిలియన్ అమెరికన్ డాలర్లుగా నమోదయ్యాయి. పూర్తి వివరాలకు visit www.ball.com, or connect with us on LinkedIn or Instagram.