AP CM: ఏపీ ముఖ్యమంత్రి చంద్రబాబు నాయుడు సోదరుడు రామ్మూర్తి నాయుడు అనారోగ్య సమస్యలతో బాధపడుతూ నేడు కన్నుమూశారు. గత కొద్ది రోజులుగా అనారోగ్య సమస్యలతో బాధపడుతున్న ఈయన హైదరాబాద్లోనే ఓ ప్రైవేట్ ఆస్పత్రిలో చికిత్స పొందుతున్నారు. ఇలా చికిత్స పొందుతున్న ఈయన పరిస్థితి విషమంగా మారడంతో నేడు కన్నుమూశారు.
ఇలా రామ్మూర్తి నాయుడు చనిపోయారనే విషయం తెలుసుకున్నటువంటి చంద్రబాబు నాయుడు లోకేష్ హుటాహుటిన హైదరాబాద్ బయలుదేరారు. ప్రస్తుతం చంద్రబాబు నాయుడు ఢిల్లీలో ఉన్నారు. అయితే ఈయన తన షెడ్యూల్ ప్రకారం నేడు మహారాష్ట్ర ఎన్నికల ప్రచారాలలో పాల్గొనాల్సి ఉంది అయితే తన తమ్ముడి మరణ వార్త తెలియగానే ఈయన మహారాష్ట్ర పర్యటనను రద్దు చేసుకొని నేరుగా ఢిల్లీ నుంచి హైదరాబాద్ రానున్నారు.
ఇక ఏపీ అసెంబ్లీ సమావేశాలలో పాల్గొన్నటువంటి మంత్రి నారా లోకేష్ తన చిన్నాన్న మరణ వార్త తెలిసిన వెంటనే అసెంబ్లీ నుంచి హైదరాబాద్ బయలుదేరి నేడు తన షెడ్యూల్ మొత్తం రద్దు చేసుకున్నారు. ఇక రామ్మూర్తి నాయుడు స్వయానా చంద్రబాబు నాయుడుకు సోదరుడు అనే విషయం మనకు తెలిసిందే. ఇక ఈయనకు కూడా ఇద్దరు సంతానం ఉన్నారు మొదట అబ్బాయి గిరీష్ రెండో అబ్బాయి పేరు నారా రోహిత్. ఈయన హీరోగా ఇండస్ట్రీలో కొనసాగుతున్న సంగతి తెలిసిందే.
ఇక రామ్మూర్తి నాయుడు కూడా గతంలో రాజకీయాలలోకి అడుగుపెట్టి చంద్రగిరి నుంచి ఎమ్మెల్యే అభ్యర్థిగా పోటీ చేసి గెలుపొందారు. ఇలా ఎమ్మెల్యేగా గెలిచిన రామ్మూర్తి నాయుడు అనారోగ్య సమస్యల కారణంగా రాజకీయాలకు దూరంగా ఉంటూ కేవలం ఇంటికి మాత్రమే పరిమితమయ్యారు. ఇలా గత కొద్దిరోజులుగా అనారోగ్య సమస్యలతో బాధపడుతున్న ఈయన నేడు అనారోగ్య సమస్యల కారణంగానే కన్నుమూశారు.