Allu Arjun: స్టైలిష్ స్టార్ అల్లు అర్జున్ చిన్నా చితకా సినిమాలు చేసే ఆలోచనలో లేరు. అంతా పాన్ ఇండియా లేవలే. ప్రస్తుతం సుకుమార్ దర్శకత్వంలో చేస్తున్న ‘పుష్ప’ ఎలాగూ పాన్ ఇండియా స్థాయి సినిమానే. తన మార్కెట్ పరిధిని దేశవ్యాప్తం చేయాలనేది బన్నీ ఆలోచన. అందుకే ఇకపై చేసే ప్రతి చిత్రం భారీ స్థాయిలో ఉండాలని అనుకుంటున్నారు.
అయితే అందుకు పరిస్థితులు అనుకూలించడంలేదు ఆయనకు. తెలుగులో ఉన్నదే నలుగురు స్టార్ డైరెక్టర్లు. వాళ్ళలోనూ పాన్ ఇండియా సినిమాలు చేయగలిగింది రాజమౌళి ఒక్కరే. రాజమౌళి దొరికే ఛాన్స్ ఎలాగూ లేదు. అందుకే కొరటాల శివను లైన్లో పెట్టారు బన్నీ. దాంతోపాటే ప్రశాంత్ నీల్ తో కూడ చర్చలు జరుగుతున్నాయి. ఎలాగైనా అతన్ని తీసుకురావాలని అల్లు అరవింద్ శతవిధాలా ట్రై చేస్తున్నారు. అది కూడ అంత ఈజీగా సెట్టయ్యేలా లేదు.
ఇప్పుడేమో బోయపాటి శ్రీను పేరు తెరమీదకు వచ్చింది. ఆయన బన్నీ కోసం ఒకే కథను సిద్ధం చేశారని, బన్నీకి కూడ కథ నచ్చిందని అంటున్నారు. ఒకవేళ బోయపాటి సినిమానే ఒప్పుకుంటే అది పాన్ ఇండియా సినిమా అయ్యే ఛాన్స్ లేదు. కొరటాల సినిమా కూడ అంతే. తెలుగు రాష్ట్రాల వరకే సినిమా పరిమితం అవుతుంది. మొత్తానికి పాన్ ఇండియా సినిమా చేయాలనే అల్లు అర్జున్ కోరికకు అన్నీ అడ్డంకుల్లానే కనబడుతున్నాయి.