బుల్లితెర‌పై త‌న చ‌లాకీ మాట‌ల‌తో ప్రేక్షకులని ఎంట‌ర్‌టైన్ చేస్తున్న ప్ర‌దీప్ మాచిరాజు ఇప్పుడు వెండితెర‌పై కూడా అల‌రించేందుకు సిద్ధ‌మ‌య్యాడు. మున్నా అనే కొత్త ద‌ర్శ‌కుడి ద‌ర్శ‌క‌త్వంలో 30 రోజుల్లో ప్రేమించటం ఎలా అనే చిత్రాన్ని చేయ‌గా, ఇందులో అమృతా నాయ‌ర్ క‌థానాయిక‌గా న‌టించింది. గ‌త ఏడాది విడుద‌ల కావ‌ల‌సిన ఈ సినిమా క‌రోనా వ‌ల‌న ఆగింది. ఎట్ట‌కేల‌కు ఈ సినిమాని జ‌న‌వ‌రి 29న గీతా ఆర్ట్స్, యూవీ క్రియేష‌న్స్ సంయుక్తంగా విడుద‌ల చేస్తున్నాయి.
కొద్ది రోజులుగా చిత్ర ట్రైల‌ర్ కోసం ఎంతో ఆస‌క్తిగా ఎదురు చూస్తున్న ప్రేక్షకులని మేక‌ర్స్ స‌ర్‌ప్రైజ్ చేశారు. రౌడీ బాయ్ విజ‌య్ దేవ‌ర‌కొండ చేతుల మీదుగా 30 రోజుల్లో ప్రేమించటం ఎలా చిత్ర ట్రైల‌ర్ విడుద‌ల చేశారు. ఇందులో ఫ‌న్‌, ఎమోష‌న్, ట్రాజెడీ, కామెడీ స‌మ‌పాళ్ళ‌లో ఉన్నాయ‌ని అర్ధ‌మ‌వుతుంది. లవ్ స్టోరీకి పునర్జన్మల నేపథ్యం జోడించి ఈ సినిమా తెరకెక్కించాడు కొత్త దర్శకుడు మున్నా. ఆ జన్మలో కలవని జంట.. ఈ జన్మలో ఎలా కలిసారనే కాన్సెప్టుతో సినిమా వస్తుంది.
30 రోజుల్లో ప్రేమిచ‌టం ఎలా అనే దానిని సినిమాలో స‌రికొత్త‌గా చెప్పేందుకు దర్శకుడు మున్నా ప్ర‌య‌త్నిస్తున్నాడు. ఆయ‌న ప్ర‌య‌త్నం త‌ప్ప‌క విజ‌య‌వంతం అవుతుంద‌ని ట్రైల‌ర్ చూస్తుంటే అర్ద‌మ‌వుతుంది. హీరోయిన్‌గా న‌టించిన అమృతా నాయ‌ర్ గ్లామ‌ర్‌తోను అద‌ర‌గొట్ట‌నుంది. నీలినీలి అనే ఆకాశం అనే పాట సినిమాకు ఫుల్ హైప్ తీసుకురాగా, ఇప్పుడు ట్రైల‌ర్ కూడా మూవీపై భారీ అంచ‌నాలే పెంచింది. మ‌రి ఇంకెందుకు ఆల‌స్యం మీరు ఈ ట్రైల‌ర్ చూసి ఎంజాయ్ చేయండి.
