తెలుగు సెన్సేషనల్ మ్యూజిక్ డైరెక్టర్ ఎస్. థమన్ టాలీవుడ్ లో భారీ ప్రాజెక్ట్స్ కు సంగీతాన్ని అందిస్తూ క్షణం తీరిక లేకుండా గడుపుతున్నారు. ఆయన బిగ్ స్టార్స్ సినిమాలకు థియేటర్లు దద్దరిల్లేలా సంగీతం అందిస్తున్నారు. బడా స్టార్స్ క్రేజ్ కు తగ్గట్టుగా మోతమోగిస్తున్నారు.
ఈ నేపథ్యంలో తాజాగా ఆయన సంగీతాన్ని అందిస్తోన్న చిత్రం ‘గుంటూరు కారం’. త్రివిక్రమ్ దర్శకత్వంలో మహేశ్ బాబు హీరోగా నటిస్తోన్న ఈ చిత్రానికి సంబంధించి తాజా అప్డేట్ ఒకటి తెలిసింది. ఆ మధ్య థమన్ ఈ ప్రాజెక్ట్ నుంచి తప్పుకున్నారని కూడా వార్తలు షికారు చేశాయి. వీటికి ఆయన తన తాజా ఇంటర్వ్యూల్లో స్వయంగా క్లారిటీ ఇచ్చిన విషయం తెలిసిందే. త్వరలో సినిమాకు సంబంధించిన మ్యూజిక్ పై ఫుల్ ఫోకస్ పెట్టనున్నట్టు తెలిపారు.
ప్రస్తుతం సినిమా షూటింగ్ శరవేగంగా కొనసాగుతోంది. వచ్చే ఏడాది ప్రేక్షకుల ముందుకు వచ్చేలా సన్నాహాలు చేసుకుంటున్నారు. ఈ క్రమంలో మ్యూజిక్ సంబంధించిన అప్డేట్స్ ను కూడా వెంటవెంటనే అందించేలా మేకర్స్ ప్లాన్ చేశారని తెలుస్తోంది. సినిమాలో మొత్తం ఐదు సాంగ్స్ ఉంటాయని తెలుస్తోంది.
ఈ చిత్రానికి సంబంధించి మ్యూజిక్ సిట్టింగ్స్ ను కూడా ప్రారంభించారు. దీంతో ప్రతి నెలా ఓ అదిరిపోయే సాంగ్ ను విడుదల చేసేలా ప్లాన్ చేస్తున్నారంట. మ్యూజిక్ పైన మహేశ్ బాబు, త్రివిక్రమ్ మంచి శ్రద్ధ వహిస్తున్నారని యూనిట్ చెబుతోంది. ఆ మధ్య సూపర్ స్టార్ క‌ష్ణ పుట్టిన రోజు సందర్భంగా ఫస్ట్ గ్లింప్స్ ను వదిలిన విషయం తెలిసిందే. ఆ తర్వాత నుంచిఎలాంటి అప్డేట్
అందలేదు. ఈ క్రమంలో వరుసగా అప్డేట్స్ ను అందించేందుకు, సినిమాపై హైప్ పెంచేందుకు ప్రయత్నిస్తున్నారని తెలుస్తోంది.
హారిక అండ్ హాసిని బ్యానర్ పై రూపుదిద్దుకుంటోన్న ఈ చిత్రంలో శ్రీలీలా, మీనాక్షి చౌదరి హీరోయిన్లుగా నటిస్తున్నారు. వచ్చే ఏడాది జనవరి 13న చిత్రాన్ని ప్రేక్షకుల ముందుకు తీసుకురానున్నారు.