చియాన్ విక్రమ్ మోస్ట్ ఎవైటెడ్ యాక్షన్-ప్యాక్డ్ మూవీ వీర ధీర సూరన్. సక్సెస్ ఫుల్ డైరెక్టర్ ఎస్.యు. అరుణ్ కుమార్ దర్శకత్వం వహించిన ఈ చిత్రంలో ఎస్.జె. సూర్య, సూరజ్ వెంజరాముడు, దుషార విజయన్ కీలక పాత్రలు పోషిస్తున్నారు. H.R. పిక్చర్స్ రియా శిబు నిర్మించిన ఈ చిత్రం ఒక యాక్షన్ థ్రిల్లర్, ఇప్పటికే రీలీజైన ప్రమోషనల్ కంటెంట్ కి ట్రెమండస రెస్పాన్స్ వచ్చింది. ఎన్.వి.ఆర్ సినిమా తెలుగు రైట్స్ ని సొంతం చేసుకోగా, నైజాం రిలీజ్ మైత్రి మూవీ డిస్ట్రిబ్యూటర్స్ ద్వారా జరుగుతుంది. మార్చి 27న సినిమా విడుదల కానుంది. ఈ సందర్భంగా మేకర్స్ ప్రీరిలీజ్ ప్రెస్ మీట్ నిర్వహించారు.
ప్రీరిలీజ్ ప్రెస్ మీట్ లో హీరో విక్రమ్ మాట్లాడుతూ… అందరికీ నమస్కారం. మాస్ సినిమాలు చేస్తున్నాను కానీ రస్టిక్ గా ఉండే సినిమా చేసి చాలా రోజులైంది. ఫ్యాన్స్ కోసం మంచి రస్టిక్ యాక్షన్ ఉన్న ఒక సినిమా చేయాలని నేను డైరెక్టర్ అరుణ్ అనుకున్నాం. యాక్షన్ తో పాటు మంచి ఎమోషన్ ఉన్న సినిమా ఇది. ఇలాంటి సినిమాలు చేయడానికి మంచి పెర్ఫార్మర్స్ కావాలి. ఈ సినిమా కోసం మేము ఫస్ట్ అప్రోచ్ అయిన యాక్టర్ సూర్య గారు. ఆయన ఇందులో క్యారెక్టర్ చేయడం నాకు చాలా ఆనందాన్ని ఇచ్చింది. ఈ క్యారెక్టర్ కి సూర్య గారు అయితేనే పర్ఫెక్ట్ . నేను ఎస్ జె సూర్య గారి సినిమాలకి బిగ్ ఫ్యాన్ ని. యాక్టర్ గా ఆయన చాలా అద్భుతమైన పాత్రలు చేస్తున్నారు. ఒక పాత్రతో మరో పాత్రకి చాలా వైరుధ్యం ఉంటుంది. యాక్టర్ గా ఆయన నుంచి చాలా విషయాలు నేర్చుకున్నాను.
ఈ సినిమాలో సూర్య గారితో కలసి యాక్ట్ చేయడం వండర్ఫుల్ ఎక్స్పీరియన్స్ . తుషార గారు డిఫరెంట్ క్యారెక్టర్స్ చేస్తున్నారు. ఈ సినిమాలో ఆమె పెర్ఫార్మెన్స్ క్యారెక్టర్ మెమొరబుల్ గా ఉంటాయి. పృద్వి గారికి ఈ సినిమా ఒక టర్నింగ్ పాయింట్ అవుతుంది. ప్రసాద్ గారు లక్కీ హ్యాండ్. ఆయన మా సినిమాని రిలీజ్ చేయడం చాలా ఆనందంగా ఉంది. ఇది డిఫరెంట్ మాస్ కమర్షియల్ ఎంటర్టైనర్ . డైరెక్టర్ అరుణ్ఈ సినిమాని చాలా అద్భుతంగా తీశాడు. ఒక ఆడియన్స్ ఇలాంటి సినిమాని చూడడానికి ఇష్టపడతాను. జీవి ప్రకాష్ కుమార్ వండర్ఫుల్ మ్యూజిక్ ఇచ్చారు . ప్రొడ్యూసర్స్ ఎక్కడ కాంప్రమైజ్ కాకుండా ఈ సినిమాని గ్రాండ్ గా నర్మించారు. తెలుగులో అన్ని రకాల సినిమాలు అద్భుతమైనటువంటి విజయాన్ని సాధిస్తున్నాయి. యాక్టర్స్ కి ఇది చాలా గొప్ప అవకాశం. అన్ని రకాల పాత్రలు చేసే ఛాన్స్ ఉంటుంది . తెలుగు ఆడియన్స్ చూపిస్తున్న ప్రేమ అద్భుతం. వారి ప్రేమకి నా కృతజ్ఞతలు. మార్చి 27న ఈ సినిమా వస్తోంది. ఇది అందరూ ఎంజాయ్ చేసే సినిమా కచ్చితంగా మీరంతా ఎంజాయ్ చేస్తారని నమ్ముతున్నాను. ఈ సినిమా ఫస్ట్ షాట్ నుంచే కథ మొదలైపోతుంది. అందుచేత ఒక ఫైవ్ మినిట్స్ ముందే థియేటర్ లో వుండేలా చూసుకోవాలని ప్రేక్షకులుని కోరుతున్నాను’అన్నారు.
యాక్టర్ యస్ జె సూర్య మాట్లాడుతూ.. అందరికీ నమస్కారం. వీర ధీర శూర ప్రమోషన్ కోసం ఇక్కడికి రావడం చాలా ఆనందంగా ఉంది. సినిమా ట్రైలర్ టీజర్ కి చాలా మంచి రెస్పాన్స్ వచ్చింది. మంచి కంటెంట్ ఎక్కడున్నా సరే తెలుగు ప్రేక్షకులు గొప్పగా ఆదరిస్తున్నారు. హాలీవుడ్ డైరెక్టర్ మార్టిన్ స్కోర్సెస్ అంటే డైరెక్టర్ అరుణ్ గారికి చాలా పిచ్చి. ఒకవేళ మార్టిన్ స్కోర్సెస్ రాజమండ్రిలో సినిమా చేస్తే ఎలా ఉంటుందో ఈ సినిమా అలా ఉంటుంది. రంగస్థలం లాంటి రా అండ్ రస్టిక్ సినిమా ఇది. ఇక్కడ స్పైడర్ సినిమా చేశాను. అలాగే చాలా సినిమాలు డబ్బింగ్ రూపంలో వచ్చాయి. అన్ని పాత్రలకి మంచి రెస్పాన్స్ వచ్చింది.
నాని గారితో చేసిన సరిపోదా శనివారం సినిమాకి ఆడియన్స్ నుంచి చాలా అద్భుతమైనటువంటి స్పందన వచ్చింది. ఖుషి సినిమాతో డైరెక్టర్ గా ఎంత మంచి స్థాయి దొరికిందో యాక్టర్ గా సరిపోదా శనివారంతో అలాంటి ఆదరణ తెలుగులో లభించింది. వీరధీరలో నా క్యారెక్టర్ పెర్ఫార్మెన్స్ చాలా కొత్తగా ఉంటుంది. అరుణ్ చాలా టాలెంటెడ్ డైరెక్టర్. ఈ సినిమాలో 16 మినిట్స్ డ్యూరేషన్ గల ఒక సింగిల్ షాట్ ఉంది. ఆ షాట్ కోసం చాలా రిహారల్స్ చేశారు. ఎక్కడ కాంప్రమైజ్ కాకుండా ఒక రాత్రంతా ఆ షాట్ తీస్తూనే ఉన్నాం. ఆ షాట్ గురించి చెప్తుంటే గూజ్ బంప్స్ వస్తున్నాయి. నిజంగా మీరు థియేటర్స్ లో చూడాల్సిందే. మీలానే నేను విక్రమ్ గారికి అభిమానిని. విక్రమ్ గారు లాంటి యాక్టర్ ఉండడం మన సౌత్ ఇండస్ట్రీకి గర్వకారణం. ప్రేక్షకులకి మంచి సినిమా ఇవ్వాలనే ప్రేమతో ఈ సినిమా చేశాం. కచ్చితంగా ఆడియన్స్ ఒక మంచి హిట్ ఇస్తారనే నమ్మకం ఉంది. తిరుపతి ప్రసాద్ గారు ఈ సినిమాని తెలుగులో రిలీజ్ చేయడం చాలా ఆనందంగా ఉంది. ఈ సినిమాకి ప్రేక్షకులు చాలా మంచి సక్సెస్ ఇవ్వాలని కోరుకుంటున్నాను’అన్నారు.
హీరోయిన్ తుషారావిజియన్ మాట్లాడుతూ.. అందరికీ నమస్కారం. మా సినిమాని సపోర్ట్ చేయడానికి వచ్చిన అందరికీ పేరుపేరునా ధన్యవాదాలు. ఈ సినిమా కోసం అందరం చాలా హార్డ్ వర్క్ చేసాము. కచ్చితంగా ఈ సినిమా మీ అందరికీ నచ్చుతుందని నమ్ముతున్నాను. లవ్ యు ఆల్. థాంక్యూ’అన్నారు
యాక్టర్ పృథ్వి మాట్లాడుతూ.. ప్రసాద్ గారి హ్యాండ్ గోల్డెన్ హ్యాండ్. ఈ సినిమాని ఆయన తెలుగులో రిలీజ్ చేయడం చాలా ఆనందంగా ఉంది. విక్రమ్ గారు డిక్షనరీ ఆఫ్ యాక్టింగ్. ఏ ఎమోషన్ అయినా అద్భుతంగా పండించగలరు. ఎస్ జె సూర్య గారు అద్భుతమైన పాత్రలతో జనాల్లోకి వెళ్లిపోయారు. ఇలాంటి అద్భుతమైనటువంటి నటుల మధ్య నటించే అవకాశం ఇచ్చినటువంటి డైరెక్టర్ అరుణ్ గారికి ఈ సినిమా నిర్మాతలకు ధన్యవాదాలు తెలియజేసుకుంటున్నాను. విక్రమ్ గారు ఎస్ జె సూర్య గారు లాంటి నటులతో నటించడం గొప్ప అదృష్టం. వారి నుంచి చాలా విషయాలు నేర్చుకున్నాను. ఈ సినిమాలో నటించిన అందరికీ పేరుపేరునా కృతజ్ఞతలు తెలుపుకుంటున్నాను. తప్పకుండా ఈ సినిమా పెద్ద విజయాన్ని సాధిస్తుంది’అన్నారు.
నిర్మాత ఎన్వి ప్రసాద్ మాట్లాడుతూ.. మహారాజా తర్వాత మేము తెలుగులో చేస్తున్న సినిమా ఇది. కచ్చితంగా ఇది సెన్సేషనల్ హిట్ అవుతుంది. ప్రేక్షకులు ఇప్పుడు ఏం కోరుకుంటున్నారో అన్ని ఎలిమెంట్స్ ఈ సినిమాలో ఉన్నాయి. క్యారెక్టర్ సబ్జెక్టు పరంగా ఇది చాలా గొప్ప సినిమా. ఈ సినిమా కోసం యూనిట్ అంతా చాలా హార్డ్ వర్క్ చేశారు. విక్రమ్ గారు తనకంటూ ఒక మార్కుని క్రియేట్ చేసుకున్నారు. ఎస్ జె సూర్య గారు నాకు చాలా బాకీ పడి ఉన్నారు. ఆయన్ని విలన్ గా పరిచయం చేసింది నేనే. (నవ్వుతూ). జీవి ప్రకాష్ కుమార్ గారు చాలా అద్భుతమైనటువంటి మ్యూజిక్ ఇచ్చారు. ఇది అన్ని వర్గాల ప్రేక్షకులకు నచ్చే సినిమా. ఆడియన్స్ అందరూ ఆదరించి ఈ సినిమాని సెన్సేషనల్ హిట్ చేయాలని కోరుకుంటున్నాను’అన్నారు
లిరిక్ రైటర్ రాంబాబు గోశాల మాట్లాడుతూ.. విక్రమ్ గారి సినిమాకి పాట రాయడం నా కల. ఇందులో టైటిల్ సాంగ్ రాశాను. జీవి ప్రకాష్ కుమార్ గారు చాలా అద్భుతంగా కంపోజ్ చేశారు. ఈ పాట హీరో ఎలివేషన్ సాంగ్ లాగా ఉంటుంది. నాకు ఈ అవకాశం ఇచ్చిన దర్శక నిర్మాతలకు విక్రమ్ గారికి జీవి ప్రకాష్ కుమార్ గారికి ధన్యవాదాలు. ఈ సినిమా చాలా పెద్ద విజయం సాధించాలని కోరుకుంటున్నాను’అన్నారు