వరుణ్ తేజ్, #VT13 గ్వాలియర్ షెడ్యూల్‌ పూర్తి

యదార్థ సంఘటనల స్ఫూర్తితో రూపొందుతున్న యాక్షన్ డ్రామా #VT13. అనుభవజ్ఞుడైన యాడ్-ఫిల్మ్ మేకర్, సినిమాటోగ్రాఫర్ ,VFX నిపుణుడైన శక్తి ప్రతాప్ సింగ్ హడా ఈ సినిమాతో దర్శకుడిగా పరిచయం అవుతున్నాడు.

తెలుగు-హిందీ భాషల్లో రూపొందుతున్న ఈ చిత్రం నుంచి వరుణ్ తేజ్ పాత్రను భారతీయ వైమానిక దళ పైలట్‌గా పరిచయం చేసిన వీడియో అందరిలో ఆసక్తిని పెంచింది. ఈ సినిమాలో మాజీ మిస్ యూనివర్స్ మానుషి చిల్లార్ కథానాయిక. రాడార్ ఆఫీసర్ పాత్రలో ఆమె కనిపించనుంది.

తాజాగా ఈ సినిమా గ్వాలియర్ షెడ్యూల్ పూర్తయింది. అదే విషయాన్ని తెలియజేస్తూ వరుణ్ తేజ్ ట్వీట్ చేశారు”#VT13 గ్వాలియర్‌ షెడ్యూల్‌ను పూర్తి చేశాను! తిరిగి బేస్‌కి వచ్చాను.” అన్నారు.

ఈ సందర్భంగా వరుణ్ తేజ IAF ఆఫీసర్‌గా కనిపించే ఫోటో పోస్ట్ చేయగా అది సోషల్ మీడియా లో వైరల్ అవుతుంది.

ఇంకా టైటిల్ ఖరారు కానీ ఈ చిత్రం దేశభక్తితో కూడుకున్న ఎడ్జ్ అఫ్ సీట్ ఎంటర్ టైనర్. భారతదేశం ఇప్పటివరకు చూడని భీకర వైమానిక దాడుల్లో మన వీరుల పోరాటాన్ని, వారు ఎదుర్కొనే సవాళ్లను చూపుతుంది.

శక్తి ప్రతాప్ సింగ్ హడా, అమీర్ ఖాన్ , సిద్ధార్థ్ రాజ్ కుమార్ రాసిన ఈ చిత్రాన్ని సోనీ పిక్చర్స్ ఇంటర్నేషనల్ ప్రొడక్షన్స్, రినైసన్స్ పిక్చర్స్ పై సందీప్ ముద్దా భారీ స్థాయిలో నిర్మిస్తున్నారు. నందకుమార్ అబ్బినేని ఈ చిత్రానికి సహ నిర్మాత.