మెగా సుప్రీమ్ హీరో సాయి దుర్గ తేజ్ ‘విరూపాక్ష’, ‘బ్రో’ బ్లాక్‌బస్టర్ విజయాల తర్వాత, తన అత్యంత ప్రతిష్టాత్మక ప్రాజెక్ట్ #SDT18లో కంప్లీట్ న్యూ, యాక్షన్-ప్యాక్డ్ ఇంటెన్స్ రోల్‌లో కనిపించనున్నారు. హనుమాన్ సెన్సేషనల్ పాన్ ఇండియా విజయం తర్వాత నిర్మాతలు కె నిరంజన్ రెడ్డి, చైతన్య రెడ్డి ప్రైమ్‌షో ఎంటర్‌టైన్‌మెంట్ పై ఈ పాన్ ఇండియా ప్రాజెక్ట్‌ను హై బడ్జెట్‌తో నిర్మిస్తున్నారు. ఈ రోజు గ్లోబల్ స్టార్ రామ్ చరణ్ “కార్నేజ్” టీజర్‌ను లాంచ్ చేశారు. కార్నేజ్ వీడియో సాయి దుర్గ తేజ్ విధ్వంసక, ఇంటెన్స్ క్యారెక్టర్ కు స్నీక్ పీక్ అందిస్తోంది. గ్లోబల్ స్టార్ రామ్ చరణ్ ముఖ్యఅతిధిగా పాల్గొన్న కార్నేజ్ లాంచ్ ఈవెంట్ చాలా గ్రాండ్ గా జరిగింది.
ఈ చిత్రానికి SYG (సంబరాల ఏటిగట్టు) అనే పవర్ ఫుల్ టైటిల్ ని ఖరారు చేశారు. టైటిల్ ని కార్నేజ్ వీడియో ద్వారా రివిల్ చేశారు. ఇది శక్తివంతమైన, విభిన్నమైన వాయిస్‌ఓవర్స్ తో ఓపెన్ అయ్యింది. పవర్ ఫుల్ వాయిస్ సాయి దుర్గ తేజ్ మ్యాసీవ్ ఇంట్రడక్షన్ కి స్టేజ్ ని సెట్ చేసింది. ఒక అద్భుతమైన సీక్వెన్స్‌లో అతను రక్తం కారుతున్న తన వీపులో ఉన్న కత్తిని తీసి శత్రువులని ఊచకోత కోశారు. టీజర్ SDT పవర్ ఫుల్ డైలాగ్‌తో ముగుస్తుంది, అతని ఫెరోషియస్, లార్జర్ దెన్ లైఫ్ క్యారెక్టర్ పై మరింత ఎక్సయిట్మెంట్ ని పెంచింది. ఈ పాత్ర కోసం SDT ఫిజికల్ ట్రాన్స్ ఫర్మేషన్ అద్భుతంగా వుంది. ఇది ఒక వారియర్ లాంటి ఫిజిక్ ని సాధించడానికి అతని అంకితభావం, కృషిని సూచిస్తోంది. రాయలసీమ యాసలో డైలాగ్స్ క్యారెక్టర్ కి మరింత కంప్లీట్ నెస్ ని తీసుకొచ్చాయి.
డెబ్యూ డైరెక్టర్ రోహిత్ కెపి గ్రిప్పింగ్ విజన్‌ తో SDT పాత్రను లార్జర్ దెన్ లైఫ్ మేనర్ లో ప్రజెంట్ చేశారు. డైలాగ్‌లు పవర్ ఫుల్ గా వున్నాయి. ప్రతి ఫ్రేమ్ ప్రొడక్షన్ గ్రేట్ స్కేల్ ని ప్రజెంట్ చేస్తున్నాయి. సినిమాటోగ్రాఫర్ వెట్రివేల్ పళనిసామి బ్రెత్ టేకింగ్ విజువల్స్ నెక్స్ట్ లెవల్ లో వున్నాయి. సంగీత దర్శకుడు బి అజనీష్ లోక్‌నాథ్ పల్సటింగ్ స్కోర్ కథనాన్ని సరికొత్త స్థాయికి తీసుకువెళుతుంది. నవీన్ కట్స్ ఎడిటింగ్ క్రిస్ప్ గా ఉంది. కార్నేజ్ వీడియో SYG (సంబరాల ఏటిగట్టు) గ్రేట్ సినిమాటిక్ ఎక్స్ పీరియన్స్ అందిస్తూ సినిమా పైభారీ అంచనాలని పెంచింది. ఈ చిత్రం పాన్-ఇండియా సెప్టెంబర్ 25, 2025న తెలుగు, తమిళం, హిందీ, కన్నడ, మలయాళంలో విడుదల కానుంది.
కార్నేజ్ లాంచ్ ఈవెంట్ లో గ్లోబల్ స్టార్ రామ్ చరణ్ మాట్లాడుతూ.. అందరికీ నమస్కారం. వేదికపై ఉన్న డైరెక్టర్స్, యాక్టర్స్, ప్రొడ్యూసర్స్ కి, అలాగే మేము ఎంతగానో గుండెల్లో పెట్టుకొని ప్రేమించే మా అభిమానులందరికీ పేరుపేరునా నమస్కారం. ముందుగా తేజ్ కి కంగ్రాచ్యులేషన్స్. ఒక ఫైటర్ లా ఈ టెన్ ఇయర్స్ ని పూర్తి చేశాడు. ఇది బ్యూటిఫుల్ జర్నీ. తేజ్ ఒక మంచి యాక్టర్ మాత్రమే కాదు మంచి వ్యక్తి. అది మీ అందరికీ తెలుసు. తను ఒక మంచి తమ్ముడు, మంచి అన్నయ్య, మంచి కొడుకు, మంచి మేనల్లుడు. తను ప్రతి క్యారెక్టర్ కి తపన పడతాడు. కష్టపడతాడు. మీ అందరి సపోర్ట్ వల్లే తను ఇక్కడ ఉన్నాడు. తేజు ఈరోజు ఇక్కడ ఎలా నిలిచి ఉండటానికి కారణం అభిమానుల బ్లెస్సింగ్స్. ఇది తనకి పునర్జన్మ. ఈ జన్మ అభిమానులే ఇచ్చారు. ఆ సమయాన్ని మళ్లీ గుర్తు చేసుకోవాలని నాకు లేదు. కానీ ఆ మూడు నెలలు మాకు చాలా కష్టమైన సమయం. అంత పెద్ద యాక్సిడెంట్ తర్వాత తేజు మళ్లీ ఇక్కడ నిల్చున్నాడు అంటే తిను మా తేజ్ కాదు మీ తేజు. మీ అందరికీ తేజ్ తరఫున, మా విజయ అక్క తరపున పేరుపేరునా ధన్యవాదాలు.
ఇది తేజుకి 18 ఫిల్మ్. సంబరాల ఏటిగట్టు. అందరికీ ఒకటే మాట చెబుతున్నా. తేజు ఊచకోత ఎలా ఉంటుందో ఈ సినిమాతో చూడబోతున్నారు. ఔట్ స్టాండింగ్ విజువల్స్. రోహిత్ గారికి ప్రత్యేకంగా థాంక్స్ చెప్తున్నాను. తను ఫస్ట్ సినిమా చేస్తున్నట్టుగా లేదు. చాలా అద్భుతంగా ఉంది. తేజ్ మీద ఇంత పెద్ద బడ్జెట్ పెడుతున్నందుకు నిర్మాతలు నిరంజన్, చైతన్య గారికి ఆల్ ది వెరీ బెస్ట్. ఇది సినిమా పట్ల వారికి ఉన్న ఫ్యాషన్ ని తెలియజేస్తుంది. ఐశ్వర్య గారికి, ఈ సినిమాలో పని చేస్తున్న టెక్నీషియన్స్ కి ఆల్ ది వెరీ బెస్ట్. ఇది ఇది బిగ్గెస్ట్ బ్లాక్ బస్టర్ కావాలని మనస్ఫూర్తిగా కోరుకుంటున్నాను. తేజు ప్రేమ చాలా బండ ప్రేమ. ఒక్కసారి పట్టుకుంటే ఊపిరి కూడా ఆడదు. అంత గట్టిగా ప్రేమిస్తాడు. ఈ సినిమాతో చాలా పెద్ద బ్లాక్ బస్టర్ కొట్టి మంచి న్యూస్ కూడా వినిపించాలని కోరుకుంటున్నాను. థాంక్యూ. లవ్ యూ ఆల్’ అన్నారు.
సుప్రీమ్ హీరో సాయి దుర్గ తేజ్ మాట్లాడుతూ.. అందరికీ నమస్కారం. ఈ స్టేజ్ మీద ఉండడానికి కారణమైన మా ముగ్గురు మావయ్యలకి ఎప్పటికీ రుణపడి ఉంటాను. మీ అందరి ప్రేమను పొందే అదృష్టం నాకు దక్కింది. మన చరణ్ ఈవెంట్ కి వచ్చి మమ్మల్ని బ్లెస్ చేయడం చాలా ఆనందంగా ఉంది. లవ్ యు చరణ్. నాకోసం వచ్చిన డైరెక్టర్లకి, ప్రొడ్యూసర్స్ కి అందరికీ థాంక్యూ సో మచ్. మెగా ఫ్యాన్స్ కి థాంక్యూ సో మచ్. మీ ప్రేమ సపోర్ట్ ఎప్పుడూ ఇలాగే ఉండాలి. ఈ సందర్భంగా అందరూ ఒక ప్రతిజ్ఞ చేయాలి. బైక్ నడిపినప్పుడు తప్పకుండా హెల్మెట్ ధరించాలి. నేను హెల్మెట్ ధరిస్తాను. మీరు హెల్మెట్ ధరించాలి. థాంక్యూ సో మచ్. లవ్ యు ఆల్’ అన్నారు.
మూవీ డైరెక్టర్ రోహిత్ మాట్లాడుతూ.. అందరికీ నమస్కారం. రామ్ చరణ్ గారికి థాంక్యూ. ఈ సినిమా ఇచ్చిన నిర్మాతలకు, సాయి తేజ గారికి థాంక్యూ సో మచ్.
హీరోయిన్ ఐశ్వర్య లక్ష్మి మాట్లాడుతూ.. అందరికీ నమస్కారం. టీజర్ మీ అందరికీ నచ్చిందని భావిస్తున్నాను. రోహిత్ గారు ఈ సినిమాతో డిబ్యూ చేస్తున్నారు. మీ అందరి బ్లెస్సింగ్స్ కావాలి. త్వరలో థియేటర్స్ లో కలుద్దాం’ అన్నారు
నిర్మాత చైతన్య రెడ్డి మాట్లాడుతూ.. ఈ వేడుకకి ముఖ్యఅతిథిగా వచ్చిన రామ్ చరణ్ గారికి థాంక్యూ సో మచ్. గేమ్ చేంజర్ కి విష్ యు ఆల్ ది బెస్ట్. అనిల్ రావిపూడి గారికి థాంక్యూ సో మచ్ సంక్రాంతికి వస్తున్నాం మంచి హిట్ కావాలని కోరుకుంటున్నా. ఈ వేడుకకు విచ్చేసిన అల్లు అర్జున్ గారికి అందరికీ పేరుపేరునా కృతజ్ఞతలు. మీ సపోర్టు ఎప్పుడూ ఇలానే ఉండాలి. సంబరాల ఏటిగట్టు చాలా కొత్తగా అద్భుతంగా ఉంటుంది. సాయి తేజ్ గారి థాంక్ యూ. ఈ సినిమాని మీరందరూ ఆశీర్వదిస్తారని కోరుకుంటున్నాను’ అన్నారు.
డైరెక్టర్ మారుతి మాట్లాడుతూ.. తేజు నా కెరీర్లో ఫేవరెట్ ఫిలిం ప్రతిరోజు పండగే ఇచ్చాడు. మెగా ఫ్యాన్స్ అందరినీ ఇక్కడ చూడడం చాలా ఆనందంగా ఉంది. ఇంత గొప్ప సినిమా నిర్మించడానికి పూనుకున్న నిర్మాతలకు, డైరెక్టర్ రోహిత్ గారికి ఆల్ ది బెస్ట్. విజువల్స్ చాలా బాగున్నాయి. టైటిల్ చాలా ఇన్నోవేటివ్ గా ఉంది. టీమ్ అందరికీ ఆల్ ది వెరీ బెస్ట్ ‘అన్నారు
నిర్మాత ఎస్కేఎన్ మాట్లాడుతూ.. తేజు ఫ్యామిలీలో అందరినీ కలుపుకుని పోయే వ్యక్తి. నాకు చాలా ఇష్టమైన వ్యక్తి. ఈ టీజర్ చూస్తుంటే.. నాకు ఒకటే ఒక మాట గుర్తుకొస్తుంది.. సీజ్ ది రికార్డ్స్’అన్నారు
డైరెక్టర్ అనిల్ రావిపూడి మాట్లాడుతూ..తేజు జర్నీ మొత్తం నాకు తెలుసు. తేజుతో సుప్రీం అనే బ్యూటిఫుల్ సినిమా చేశాను. తనది కొండంత ప్రేమ. తను మోస్ట్ టాలెంటెడ్ యాక్టర్. తనకి మంచి స్క్రిప్ట్ పెడితే అవుట్ ఆఫ్ ద పార్క్. ఈ టైటిల్ టీజర్ చూశాను. మైండ్ బ్లోయింగ్ గా ఉంది. ఇది ఆశించి దానికంటే పెద్ద విజయం సాధిస్తుందని నమ్మకం ఉంది. నిర్మాతలకు బెస్ట్ విషెస్. వారు పాన్ ఇండియా సినిమాలే తీస్తున్నారు. ఇది కూడా పాన్ ఇండియా సక్సెస్ కావాలని కోరుకుంటున్నాను. ఈవెంట్ కి ముఖ్య అతిథిగా వచ్చిన రామ్ చరణ్ గారికి స్పెషల్ థాంక్స్ చెప్తున్నాను. సంక్రాంతికి గేమ్ చెంజర్ తో ఆయనకి మెగా బ్లాక్ బస్టర్ రావాలని కోరుకుంటున్నాను. ఈ టీమ్ అందరికీ నా బెస్ట్ విషెస్. తేజు చాలా పెద్ద స్థాయిలో కొట్టే. ఆల్ ది బెస్ట్’ అన్నారు.
నిర్మాత టీజీ విశ్వప్రసాద్ మాట్లాడుతూ... టెన్ ఇయర్స్ కంప్లీట్ చేసుకున్నా తేజుకి కంగ్రాజులేషన్స్. కళ్యాణ్ గారితో తేజు గారితో కలిసి బ్రో సినిమా తీశాం. త్వరలో చిరంజీవి గారితో తేజు గారితో కలిసి సినిమా చేసే అవకాశం వస్తుందని చూస్తున్నాం. ఆల్ ది బెస్ట్’ అన్నారు.
నిర్మాత అల్లు అరవింద్ మాట్లాడుతూ .. ఇక్కడికి విచ్చేసిన మెగా అభిమానులందరికీ నా అభినందనలు. ఈ సినిమాలో విజువల్స్ చూస్తుంటే నిజంగా తేజు ఈ బాడీని ఎప్పుడు పెంచాడని ఆశ్చర్యకరంగా ఉంది. విజువల్స్ ఎక్సలెంట్ గా ఉన్నాయి. డైరెక్టర్ గారికి, నిర్మాత నిరంజన్ రెడ్డి గారికి కంగ్రాజులేషన్స్. తేజు ఇండస్ట్రీకి వచ్చి టెన్ ఇయర్స్ అయ్యింది అంటే నమ్మశక్యంగా లేదు. తను మొన్న మొన్న వచ్చినట్లే అనిపిస్తుంది. మా విజయ అదృష్టవంతురాలు. తన పేరును కూడా తీసుకెళ్లి తేజు పేరులో పెట్టుకున్నాడు. అలాంటి కొడుకు దొరకడం అదృష్టం. తేజు ఒక మృత్యుంజయుడు. తనకి కలకాలం విజయాలు వరిస్తూ ఇలా అద్భుతంగా ముందుకు వెళ్లాలని, ముఖ్య అతిథిగా విచ్చేసిన మా మగధీరుడు రామ్ చరణ్ రాబోయే సినిమా కూడా విజయవంతం కావాలని, సాయి తేజ్ కి ఈ సినిమా బిగ్గెస్ట్ హిట్ కావాలని మనస్ఫూర్తిగా కోరుకుంటున్నాను’ అన్నారు.
దర్శకుడు ప్రశాంత్ వర్మ మాట్లాడుతూ.. నేను ఏ కథ రాసుకున్న ఫస్ట్ ఊహించుకునే హీరో సాయి తేజ్. తను ఏ క్యారెక్టర్ లో కూడా ఫిట్ అవ్వగలరు. ఈ పదేళ్ల జర్నీలో ఆయన చాలా హార్డ్ వర్క్ చేశారు. ఒక మేజర్ ఇన్సిడెంట్ నుంచి కం బ్యాక్ అయ్యారు. ఈ సినిమాలో ఆయన ఫిజికల్ ట్రాన్స్ఫర్మేషన్ చూస్తుంటే చాలా అద్భుతంగా ఉంది. హనుమాన్ జరుగుతున్నప్పుడు నుంచి ఈ ప్రాజెక్టు గురించి నిరంజన్ గారు నాకు చెప్తున్నారు. తేజ్ డెడికేటెడ్ గా వర్క్ చేస్తున్నారు. ఈ సినిమా యూనిట్ అందరికీ ఆల్ ది వెరీ బెస్ట్ . హనుమాన్ ఎంత పెద్ద సక్సెస్ అయిందో ఈ సినిమా అంతకంటే పెద్ద సక్సెస్ కావాలని కోరుకుంటున్నాను’ అన్నారు.
దర్శకుడు వైవీఎస్ చౌదరి మాట్లాడుతూ.. అందరికీ నమస్కారం. అభిమానులు ఎనర్జీ చూస్తుంటే చాలా ఆనందంగా వుంది. సాయి తేజ్ ని హీరోగా పరిచయం చేసే అవకాశం నాకు వచ్చింది. సాయి తేజ్ లో చిలిపి తనం, వినయం రెండు షేడ్స్ వుంటాయి. హీరో ఎందుకు అవ్వాలని అడిగితే.. జీవితంలోని అన్ని పాత్రలని నటుడిగా పోషించవచ్చు కదాని చెప్పారు. ఆ సమాధానం విని షాక్ అయ్యాను. తను చాలా కష్టపడ్డాడు. తన పదేళ్ళ జర్నీ చూస్తుంటే చాలా ఆనందంగా వుంది. తనతో మళ్ళీ ఓ విజయవంతమైన సినిమా తీయాలని కోరుకుంటున్నాను’ అన్నారు.
దర్శకుడు దేవా కట్టా మాట్లాడుతూ...అందరికీ నమస్కారం. తేజ్ చాలా క్యాలిబర్ వున్న యాక్టర్. రిపబ్లిక్ సినిమా ఐడియా చెప్పినపుడు తప్పకుండా చెస్తానని ముందుకు వచ్చారు. క్లైమాక్స్ మారిస్తే కమర్షియల్ గా వర్క్ అవుతుందని చాలా మంది చెప్పారు. కానీ తేజ్ దానికి అంగీకరీంచలేదు. క్లైమాక్స్ మారిస్తే అది నా సినిమా కాదు అన్నారు. అంత జెన్యూన్ యాక్టర్ తను. తను చాలా గ్రేట్ హీరో.’అన్నారు.
దర్శకుడు కిషోర్ తిరుమల మాట్లాడుతూ.. అందరికీ నమస్కారం. చిత్రాల హరి సినిమా సమయంలో నా వర్క్ ని అభినందిస్తూ పవన్ కళ్యాణ్ గారు ఫ్లవర్ బోకే సెండ్ చేయడం ఎప్పటికీ మర్చిపోలేను, నేను ఇండస్ట్రీకి రాకముందు నుంచి తేజ్ నా స్నేహితుడు. ఎంతో హార్డ్ వర్క్ చేసి ఈ స్థాయికి వచ్చారు. తను ఇలాగే గొప్ప విజయాలు అందుకోవాలని కోరుకుంటున్నాను’ అన్నారు. మూవీ టీం అంతా పాల్గొన్న ఈ వేడుక చాలా గ్రాండ్ గా జరిగింది.
తారాగణం: సాయి దుర్గ తేజ్, ఐశ్వర్యలక్ష్మి, జగపతి బాబు, సాయి కుమార్, శ్రీకాంత్, అనన్య నాగళ్ల
సాంకేతిక సిబ్బంది:
రచన, దర్శకత్వం: రోహిత్ కె.పి
నిర్మాతలు: కె నిరంజన్ రెడ్డి, చైతన్య రెడ్డి
బ్యానర్: ప్రైమ్‌షో ఎంటర్‌టైన్‌మెంట్
డీవోపీ: వెట్రివేల్ పళనిసామి
సంగీతం: బి అజనీష్ లోక్‌నాథ్
ఎడిటర్: నవీన్ విజయకృష్ణ
ప్రొడక్షన్ డిజైనర్: గాంధీ నడికుడికర్
కాస్ట్యూమ్ డిజైనర్: అయేషా మరియం
పీఆర్వో: వంశీ-శేఖర్
మార్కెటింగ్ ఏజెన్సీ: హాష్‌ట్యాగ్ మీడియా