Sampradayini Suppini Suddapoosani: శివాజీ నిర్మాత గా మారి తన సొంత బ్యానర్ శ్రీ శివాజీ ప్రొడక్షన్స్ పతాకంపై రెండవ చిత్రంగా ‘సాంప్రదాయిని సుప్పిని సుద్దపూసని’ అనే చిత్రాన్ని చేస్తున్నారు. ఈ సినిమాలో సీనియర్ హీరోయిన్ లయ శివాజీకి జంటగా నటించారు. ఈ చిత్రంలో రోహన్, ప్రిన్స్, అలీ, ధన్రాజ్, ఇమ్మాన్యూయేల్ ఇతర పాత్రల్లో నటిస్తున్నారు. ఈ సినిమాకు సుధీర్ శ్రీరామ్ దర్శకత్వం వహించగా.. రంజిన్ రాజ్ సంగీతం అందించారు. ఈ సినిమాని ఫిబ్రవరి 12న రిలీజ్ చేయబోతోన్నారు. ఈ క్రమంలో తాజాగా ఈ సినిమా ట్రైలర్ లాంచ్ ఈవెంట్ ఘనంగా నిర్వహించారు. ఈ కార్యక్రమానికి హిట్ మెషిన్ అనిల్ రావిపూడి ముఖ్య అతిథిగా విచ్చేశారు. ఈ ఈవెంట్లో..
అనిల్ రావిపూడి మాట్లాడుతూ .. ‘‘సాంప్రదాయిని సుప్పిని సుద్దపూసని’ టీం అందరికీ కంగ్రాట్స్. ఈ సినిమా ట్రైలర్ చూశా. సూపర్ గా ఉంది. చాలా నవ్వుకున్నా. డైరెక్టర్ సుధీర్ రైటింగ్, ప్రెజెంటేషన్ చాలా బాగుంది. ట్రైలర్ చూస్తుంటేనే సినిమా చూడాలని క్యూరియాసిటీ పెరిగింది. ఈ టీవీ విన్ వారు సక్సెస్ ఫుల్ సినిమాలతో ముందుకెళ్తున్నారు. శివాజీ ప్రేమకు ధన్యవాదాలు. టాలెంటెడ్ యాక్టర్, తెలుగు అమ్మాయి లయ సెకండ్ ఇన్నింగ్స్ లో ముందుకెళ్తున్నారు. ఈ సినిమాలో లయ క్యారెక్టర్ సూపర్ గా ఉంది. అందరికీ బెస్ట్ విషెస్ చెబుతున్నా. ఫిబ్రవరి 12కి ఈటీవీ విన్లో రాబోతున్న ఈ సినిమా చూసి ప్రేక్షకులందరూ ఎంజాయ్ చేయడం పక్కా’ అని అన్నారు.
ప్రొడ్యూసర్, యాక్టర్ శివాజీ మాట్లాడుతూ .. ‘ఈ కార్యక్రమానికి ముఖ్య అతిధిగా వచ్చిన అనిల్ రావిపూడి, అందరికీ స్వాగతం. అప్పట్లో ఈవీవీ గారిలో గొప్ప క్వాలిటీస్ ఉండేవి. ఇప్పుడు అనిల్ లో చాలా పాజిటివ్ వైబ్స్ ఉంటాయి. ఆయన చాలా టాలెంటెడ్ అలాగే చాలా మంచివాడు. అనిల్ అంటే పిచ్చి ప్రేమ నాకు. ఈ సినిమా కోసం నేను నిర్మాత కాదు టీచర్. అలాగే వ్యవహరించా. మేమంతా టీం వర్క్ చేసి మంచి సినిమా చేసాం. బాపినీడు గారు నన్ను రీ ఎంట్రీ చేపించి మళ్ళీ బిజీ చేశారు. బండ్ల గణేష్ ఈ సినిమా కోసం సాంగ్ చేద్దాం అనగానే చేసేద్దాం అన్నాడు. బండ్ల గణేష్ అన్నకు ఎంతో రుణపడి ఉన్నా. ఈ సినిమాలో అందరూ బాగా నటించారు. ప్రతి ఒక్కరికీ నచ్చుతుంది. టెక్నీషియన్స్ అంతా బాగా సపోర్ట్ చేసి సినిమాను ముందుకు నడిపించారు’ అని అన్నారు.
లయ మాట్లాడుతూ .. ‘బ్లాక్ బస్టర్ హిట్ మెషీన్ అనిల్ రావిపూడి గారికి, అందరికీ నమస్కారం. సినిమా చాలా బాగా వచ్చింది. ఇప్పటివరకు రత్నమాలగా గుర్తుపెట్టుకున్నారు. ఇప్పుడు ఉత్తరగా గుర్తు పెట్టుకుంటారని నమ్ముతున్నా. అనిల్ సర్ ఇక్కడికి వచ్చి ట్రైలర్ లాంచ్ చేయడం హ్యాపీగా ఉంది. డైరెక్టర్ సుధీర్ గారు ఉత్తర క్యారెక్టర్ బాగా తీర్చిదిద్దారు. శివాజీ గారు ప్రొడ్యూసర్ గా, యాక్టర్ గా షూటింగ్ లొకేషన్స్ లో ఎంతో ఉత్సాహంగా ఉంటూ అన్నీ దగ్గరుండి నడిపించారు. ఈ సినిమాకు పెద్ద అసెట్ ఆయనే’ అని అన్నారు.
అలీ మాట్లాడుతూ .. ‘ఈ వేడుకకు వచ్చిన ప్రతి ఒక్కరికీ నమస్కారం. ఈ రోజు అనిల్ రావిపూడి ఈ ఈవెంట్ కి గెస్టుగా రావడం సంతోషంగా ఉంది. కళామతల్లి అందరినీ స్వాగతిస్తుంది. ఎవరి దగ్గర టాలెంట్ ఉంటుందో వాళ్ళే ఎదుగుతారు. శివాజీ ఏ స్టేజ్ నుంచి వచ్చారో నాకు తెలుసు. ఎంతో కష్టపడి సినిమా తీసే స్టేజీకి వచ్చిన శివాజీ నిర్మాణంలో వచ్చిన ఈ సినిమాలో నటించడం, ఆయన చేతుల మీదుగా చెక్ తీసుకోవడం ఆనందంగా ఉంది. డైరక్టర్ సుధీర్ తొలి సినిమానే అయినా చాలా బాగా తీశారు. ఈ సినిమా హిట్ అయితే నా మొదటి అప్రిసియేట్ దర్శకుడికే. శివాజీ అండ్ సుధీర్ హిట్ కొట్టబోతున్నారు. ఆల్ ది బెస్ట్’ అని అన్నారు.
డైరెక్టర్ సుధీర్ మాట్లాడుతూ .. ‘మా ఈవెంట్కు వచ్చిన అనిల్ రావిపూడి గారికి స్పెషల్ థాంక్స్. కష్టపడితే లైఫ్ ఉంటుంది అని చెప్పడానికి నాకు చిరంజీవి గారు ఇన్స్పిరేషన్. కష్టపడితే బాస్ నే డైరెక్ట్ చేయొచ్చు అనేది అనిల్ రావిపూడి ఇన్స్పిరేషన్. నా కుటుంబం అంతా నా వెనకాల ఉంది. అలాగే ఎవరు అనే సినిమా చేసిన రామ్ జీ గారు నాకు వెన్నంటి ఉంటూ సాయం చేస్తున్నారు. వాళ్లకు స్పెషల్ థ్యాంక్స్. ఇండస్ట్రీలో నాకు ఫ్యామిలీ ఇచ్చిన సుడిగాలి సుధీర్ గారికి థ్యాంక్స్. లయ గారు, ఆలీ గారు, శివాజీ గారు.. ఇలా బిగ్ స్టార్స్ అందరితో కలిసి పనిచేయడం నిజంగా నా అదృష్టం. ఈ సినిమా చేయడంలో టీం అంతా నాకు ఎంతో సపోర్ట్ చేసింది. ఈ రోజు నన్ను ఈ స్థాయిలో నిలబెట్టిన శివాజీ గారికి ప్రత్యేక కృతజ్ఞతలు’ అని అన్నారు.
ఈటీవీ విన్ సాయి కృష్ణ మాట్లాడుతూ .. ‘ట్రైలర్ లాంచ్ ఈవెంట్ కి వచ్చిన ప్రతి ఒక్కరికీ థ్యాంక్స్. అనిల్ రావిపూడి గారికి స్పెషల్ థ్యాంక్స్. ఆయన ఏ సినిమా ఈవెంట్ కి వచ్చినా అది సక్సెస్ అవుతుంది. అంతకుముందు మా లిటిల్ హార్ట్స్ సినిమాకు ఇలాగే గెస్టుగా వస్తే ఆ సినిమా సూపర్ హిట్ అయింది. ఇప్పుడు ఈ సాంప్రదాయిని సుప్పిని సుద్దపూసని కూడా సూపర్ హిట్ సాధిస్తుందని నమ్మకం ఉంది’ అన్నారు.
రైటర్ మిథిల్ మాట్లాడుతూ .. ‘అడగ్గానే అవకాశం ఇచ్చిన శివాజీ గారికి, మమ్మల్ని సపోర్ట్ చేయడానికి వచ్చిన అనిల్ రావిపూడి గారికి థ్యాంక్స్. ఈ సినిమా సక్సెస్ అవుతుందని నమ్ముతున్నా’ అని అన్నారు.
ఎడిటర్ బాలు మాట్లాడుతూ .. ‘సాంప్రదాయిని సుప్పిని సుద్దపూసని ట్రైలర్ లాంచ్ ఈవెంట్ కి వచ్చిన అనిల్ రావిపూడి గారికి, మీ అందరికీ చాలా థ్యాంక్స్. ఈ సినిమా నా కెరీర్ లో స్పెషల్ మూవీ అవుతుంది. ఎడిటర్ గా ఈ జర్నీ ఎంజాయ్ చేశా. ఈ సినిమాతో శ్రీరామ్ గా శివాజీ మీ మనసు దోచుకుంటారని, ఈ సినిమా సక్సెస్ అవుతుందని నమ్మకంగా చెబుతున్నా’ అని అన్నారు.
ధన రాజ్ మాట్లాడుతూ .. ‘అందరికీ నమస్కారం. ఈ సినిమాలో నన్ను కొత్త యాంగిల్ లో చూపిస్తున్నారు. డైరెక్టర్ సుధీర్ గారికి, శివాజీ గారికి థ్యాంక్స్. ఈ సినిమా కోసం శివాజీ గారు చాలా కష్టపడ్డారు. మీ కష్టానికి తగిన ప్రతిఫలం రావాలని కోరుకుంటున్నా’ అని అన్నారు.
