Amaravathiki Aahwanam: శివ కంఠంనేని, ధన్య బాలకృష్ణ, ఎస్తేర్, సుప్రిత, హరీష్ ప్రధాన తారాగణంగా తెరకెక్కిన సినిమా “అమరావతికి ఆహ్వానం”. ఈ మూవీలో సీనియర్ నటులు అశోక్ కుమార్, భద్రమ్, జెమిని సురేష్, నాగేంద్ర ప్రసాద్ ఇతర కీలక పాత్రలు పోషించారు. డైరెక్టర్ జీవీకే ఈ మూవీని తెరకెక్కించారు. ప్రముఖ నిర్మాత ముప్పా వెంకయ్య చౌదరి గారి నిర్మాణ సారథ్యంలో జి. రాంబాబు యాదవ్ సమర్పణలో లైట్ హౌస్ సినీ మ్యాజిక్ బేనర్పై కేఎస్ శంకర్రావు, ఆర్ వెంకటేశ్వర రావు ఈ సినిమాను నిర్మించారు. “అమరావతికి ఆహ్వానం” సినిమా ఫిబ్రవరి 13న ప్రపంచవ్యాప్తంగా ప్రేక్షకుల ముందుకు రాబోతుంది. ఈ సినిమా ప్రమోషన్స్లో భాగంగా మూవీ నుండి సెలబ్రేషన్ సాంగ్ డుం డుం డియ్యాల సాంగ్ను హైదరాబాద్ లుంబినీ పార్క్లోని బోట్లో ప్రత్యేకంగా ఏర్పాటు చేసిన కార్యక్రమంలో విడుదల చేశారు.
జెమినీ సురేష్ మాట్లాడుతూ – “అమరావతికి ఆహ్వానం మూవీలో ఫస్ట్ టైమ్ ఒక డిఫరెంట్ క్యారెక్టర్ చేశాను. ఈ సినిమాలో ఒక పిచ్చివాడి పాత్రలో నేను కనిపిస్తాను..ఫుల్ లెంగ్త్ ఎంటర్టైనింగ్గా ఉంటూనే చివరిలో ఒక మంచి ఫీల్గుడ్ ఎమోషన్ ఉంటుంది. తప్పకుండా ఆడియన్స్ నా క్యారెక్టర్ ను ఫుల్గా ఎంజాయ్ చేస్తారు“ అన్నారు.
డిఒపి ప్రభాకర్ రెడ్డి మాట్లాడుతూ – `ప్రేమకథాచిత్రమ్ తర్వాత నేను చేస్తోన్న హారర్ మూవీ..దర్శకుడు జీవీకే మంచి విజన్తో ఈ సినిమాను తెరకెక్కించారు. తప్పకుండా ఆయనకు ఈ సినిమా ద్వారా పెద్ద హిట్ రావాలని కోరుకుంటున్నాను` అన్నారు
మ్యూజిక్ డైరెక్టర్ పద్మనాబ్ భరద్వాజ్ మాట్లాడుతూ – `ఈ సినిమాలో `డుం డుం డియ్యాల సాంగ్ ఒక సెలబ్రేషన్ మోడ్లో వచ్చే పాట…లిరిసిస్ట్ ఉమా వంగూరి గారు యూఎస్ లో ఉంటారు. సిచ్యువేషన్ వివరించగానే అద్భుతమైన లిరిక్స్ రాసి పంపారు..మ్యూజిక్ కూడా బాగా కుదిరింది.. తప్పకుండా ఈ పాట ఒక మంచి సెలబ్రేషన్ సాంగ్గా వైరల్ అవుతుంది“ అన్నారు.
నటుడు శివ హరీష్ మాట్లాడుతూ – `` ఈ సినిమాలో దర్శకుడు జీవీకేగారు నాకు మంచి పాత్ర ఇచ్చారు..అన్ని ఎమోషన్స్ ఉన్న క్యారెక్టర్..సుప్రితతో కలిసి నటించడం హ్యాపీగా ఉంది..ఈ ఫిబ్రవరి 13న అందరూ థియేటర్స్లో సినిమా చూసి ఎంజాయ్ చేయండి“ అన్నారు.
హీరోయిన్ ఎస్తేర్ మాట్లాడుతూ – `దర్శకుడు జీవీకే గారు ఈ సినిమా స్క్రిప్ట్ నరేట్ చేసినప్పుడే ఆయనకు సినిమా మీద ఉన్న ప్యాషన్ తెలిసింది..అమరావతికి ఆహ్వానం అనేది మంచి టైటిల్..సినిమా కూడా చాలా బాగా వచ్చింది. ధన్య, సుప్రితతో కలిసి నటించడం హ్యాపీగా ఉంది. మా ముగ్గురి పాత్రలకి ప్రాధాన్యం ఉండేలా దర్శకుడు కథ రాశారు..పద్మనాబ్ భరద్వాజ్ గారు మంచి పాట కంపోజ్ చేశారు..ఈ సినిమాలో చాలా కాలం తర్వాత నేను డ్యాన్స్ చేయడం జరిగింది…తప్పకుండా మీ అందరికీ నచ్చుతుందని నమ్ముతున్నాం` అన్నారు.
హీరోయిన్ సుప్రిత మాట్లాడుతూ – `ఈ సినిమాలో దయ్యాలు లేవు అని చెప్పే యూట్యూబర్ పాత్రలో నేను కనిపిస్తాను..నా క్యారెక్టర్ కి చివరిలో మంచి సర్ప్రైజ్ ఉంటుంది. ఎస్తర్గారు, ధన్య గారితో యాక్ట్ చేయడం హ్యాపీ. డిఒపి ప్రభాకర్ రెడ్డిగారు నన్ను చాలా అందంగా చూపించారు. దర్శకుడు జీవీకే గారికి ఈ సినిమా ద్వారా మంచి సక్సెస్ రావాలని కోరుకుంటున్నాను. శివ కంఠంనేని గారు సెట్లో చాలా జోవియల్గా ఉంటారు. టీమ్ అందరూ చాలా బాగా సపోర్ట్ చేశారు. ఫిబ్రవరి 13న ఈ సినిమాను థియేటర్స్లో చూసి ఎంజాయ్ చేయండి` అన్నారు.`
డైరెక్టర్ జీవీకే మాట్లాడుతూ – `అమరావతికి ఆహ్వానం..ఈ జర్నీ మా టీమ్ అందరికీ ఎప్పటికీ గుర్తుండిపోతుంది. అనుకున్న బడ్జెట్ లో పక్కాగా ప్లాన్ చేసుకున్న షెడ్యూల్స్ ప్రకారం ఆర్గనైజ్డ్గా ఈ సినిమా చేశాం..ఈ మూవీలో నటించిన ప్రతి ఒక్కరూ ఎంతో సపోర్ట్ చేశారు. ముఖ్యంగా శివ కంఠంనేని గారు సినిమా కోసం ఏది అవసరం అయితే అది అన్నీ సమకూర్చారు..ఇప్పుడు రిలీజ్, ప్రమోషన్స్ విషయంలోనూ భారీగా ప్లాన్స్ చేస్తున్నారు. ఈ మధ్య కాలంలో వచ్చిన కంటెంట్ బేస్డ్ సినిమాలు అన్నీ ప్రేక్షకులని ఆకట్టుకున్నాయి..ఆ కోవలోనే మా అమరావతికి ఆహ్వానం సినిమా కూడా ప్రేక్షకులకి తప్పకుండా నచ్చుతుంది` అన్నారు.
హీరో శివ కంఠమనేని మాట్లాడుతూ – “ అమరావతికి ఆహ్వానం మా లైట్ హౌస్ బేనర్లో వస్తోన్న ఆరవ చిత్రం..దర్శకుడు జీవీకె చెప్పిన బడ్జెట్లో సినిమా కంప్లీట్ చేశారు. ఇటీవల చిరంజీవి గారు చెప్పినట్లు అనుకున్న బడ్జెట్ లో, ఇన్ టైమ్లో సినిమా కంప్లీట్ చేసి సగం సక్సెస్ అయ్యాం…ఫిబ్రవరి 13న మీ ముందుకు వస్తున్నాం..తప్పకుండా మీ అందరి సపోర్ట్ ఉంటుందని ఆశిస్తున్నాం..ఎస్తర్, ధన్య, సుప్రిత ఈ ముగ్గురి క్యారెక్టర్స్కి మంచి ఇంపార్టెన్స్ ఉంటుంది. ముగ్గురు కలిసి మిమ్మల్ని ధియేటర్స్లో భయపెడతారు. అశోక్ కుమార్ గారు, జెమిని సురేష్, భద్రమ్ ఇలా మంచి ప్యాడింగ్ ఉంది. ఫిబ్రవరి 13న తప్పకుండా ఈ సినిమాను థియేటర్స్లో చూసి ఎంజాయ్ చేయండి“ అన్నారు.
నటీనటులు – శివ కంఠమనేని, ఎస్తేర్, ధన్య బాలకృష్ణ, సుప్రిత, అశోక్ కుమార్, హరీష్, భద్రమ్, జెమినీ సురేష్ , నాగేంద్ర ప్రసాద్, తదితరులు
టెక్నికల్ టీమ్
నిర్మాణ సారథ్యం: ముప్పా వెంకయ్య చౌదరి
సమర్పణ: జి. రాంబాబు యాదవ్
బేనర్: లైట్ హౌస్ సినీ మ్యాజిక్
నిర్మాతలు: కెఎస్ శంకర్రావు, ఆర్ వెంకటేశ్వరరావు
కథ, స్క్రీన్ ప్లే, మాటలు, దర్శకత్వం: జీవీకే
ఎగ్జిక్యూటివ్ ప్రొడ్యూసర్స్: వై. అనిల్ కుమార్, కె. శ్రీనివాస్రావు
డిఓపి: జె ప్రభాకర్ రెడ్డి
మ్యూజిక్: పద్మనాబ్ భరద్వాజ్
ఎడిటింగ్: సాయిబాబు తలారి
ఫైట్స్: అంజి మాస్టర్
లిరిక్స్: ఉమా వంగూరి
కొరియోగ్రఫి: రాజ్ కృష్ణ
పిఆర్ఓ: సిద్ధు
