ప్రముఖ ఓటీటీ ప్లాట్ఫార్మ్ సోని లీవ్లో ప్రసారం అయ్యే స్కామ్ 1992: ది హర్షద్ మెహతా స్టోరీ సిరీస్ గురించి అందరికి తెలిసే ఉంటుంది. స్టాక్ బ్రోకర్ హర్షద్ మెహతా జీవిత చరిత్ర ఆధారంగా తెరకెక్కిన ఈ వెబ్సిరీస్ను 2020లో సోని లీవ్ ప్రసారం చేసింది. అయితే ఈ సిరీస్ రావడం రావడమే మంచి మౌత్ టాక్తో వచ్చి భారీ విజయాన్ని సోంతం చేసుకుంది. 1992లో స్టాక్ మార్కెట్ను కుదిపేసిన హర్షద్ మెహతా స్కామ్ను దర్శకుడు హన్సల్ మెహతా చాలా ఆసక్తికరంగా తెరకెక్కించారు. హర్షద్ పాత్రలో ప్రతీక్ గాంధీ జీవించేశాడు. ఇక ఈ వెబ్సిరీస్ వచ్చి మూడేండ్లు దాటినా ఇప్పటికి ఐఎండీబీ రేటింగ్స్లో 9.3 రేటింగ్తో టాప్ పొజిషన్లో ఉంది.
ఈ షో ఇండియాలోనే కాకుండా ప్రపంచంలోని ఆల్టైమ్ పాపులర్ షోలలో ఒకటిగా నిలిచింది. ప్రపంచంలోని 250 అత్యుత్తమ టీవీ షోలు, వెబ్ సిరీస్లలో దీనికి స్థానం దక్కింది. ఇక ఈ వెబ్సిరీస్కు కొనసాగింపుగా స్కామ్ 2003 రానున్న విషయం తెలిసిందే. తాజాగా స్కామ్ 2003 సీజన్ 2 సంబంధించి మేకర్స్ ఒక సాలిడ్ అప్డేట్ను అందించారు. సోని లీవ్ ఓటీటీ లాంచ్ అయ్యి మూడేళ్లు అవుతున్న సందర్భంగా స్కామ్ 2003 సంబంధించిన టీజర్ను మేకర్స్ తాజాగా విడుదల చేశారు.
స్కామ్ 2003: ది తెల్గీ స్టోరీ టైటిల్తో రానున్నఈ సిరీస్లో.. 2003లో ఫేక్ స్టాంప్ పేపర్స్ సృష్టించి బ్యాంకులను, ఇన్సూరెన్స్ కంపెనీలను మోసం చేసిన ‘అబ్దుల్ కరీం తెల్గి’ జీవిత చరిత్ర ఆధారంగా ఈ సీరిస్ తెరకెక్కనుంది. ఈ విషయాన్ని తెలుపుతూ.. ‘ఆట పెద్దదే.. మరి ఆటగాడు .!అబ్దుల్ కరీం తెల్గీ ఇండియాలో చేసిన అతిపెద్ద కుంభకోణం కథ. ఇది ఊహించలేని స్థాయిలో దేశాన్ని దిగ్బ్రాంతికి గురి చేసింది. ఈ స్కామ్ 2003: ది తెల్గీ స్టోరీ సెప్టెంబరు 2 నుంచి సోని లీవ్లో స్టీమ్రింగ్
అవుతుందంటూ.. సోని లీవ్ రాసుకోచ్చింది. ప్లాస్ ఎంటర్టైనమెంట్స్, స్టూడియో నెక్ట్స్ సంయుక్తగా నిర్మిస్తున్న ఈ వెబ్సిరీస్ను తుషార్ హీరానందని, హన్సల్ మెహతా లు దర్శకత్వం వహించారు. గగన్ దేవ్ రియర్, అనిరుద్ధ్ రాయ్, సత్యం శ్రీవాస్తవ, విశాల్ సి. భరద్వాజ్ తదితరులు ఈ సిరీస్లో ప్రధాన పాత్రలు పోషించారు.