MLA Rajendran: ఒక రాజకీయ నాయకుడు అది కూడా ఒక ఎమ్మెల్యే బస్సులో ప్రయాణం చేయడం ఏంటని ఆశ్చర్యపోతున్నారా.. పైగా ఫుట్ బోర్డు ప్రయాణం చేయాల్సిన పరిస్థితి ఆయనకు ఎందుకు వచ్చిందని అనుకుంటున్నారా. ఇంతకూ అసలు విషయం ఏంటో తెలుసుకుందాం.
తమిళనాడు తిరువళ్ళూరుకు చెందిన ఎమ్మెల్యే వీజీ రాజేంద్రన్ తాజాగా పూండి వద్ద పేద యువతులకు బంగారం ఇచ్చే కార్యక్రమాలలో పాల్గొన్నారు. ఇక అక్కడి నుంచి అతడు ప్రాథమిక ఆరోగ్య కేంద్రానికి నడుచుకుంటూ వెళుతుండగా అక్కడున్న బస్స్టాప్ దగ్గర విద్యార్థులు ఆయనకు ఎదురుపడ్డారు. తాము రద్దీగా ఉండే బస్సులో ప్రయాణిస్తున్నామని.. అందుకు బస్సులు వేయించాలని కోరారు. అదే సమయంలో అక్కడికి బస్సు రావడంతో ఆయన కూడా ఆరోగ్య కేంద్రానికి చేరుకోవడానికి ఆ బస్సు ఎక్కడంతో ఫుట్ బోర్డు ప్రయాణం చేయాల్సి వచ్చింది.