SSMB 29: తెలుగు సినిమా స్థాయిని మరోసారి ప్రపంచానికి చాటి చెప్పిన స్టార్‌ డైరెక్టర్లలో టాప్‌లో ఉంటాడు ఎస్‌. ఎస్‌ రాజమౌళి. ఈ పాన్‌ ఇండియా దర్శకుడి కాంపౌండ్‌ నుంచి వచ్చిన ‘బాహుబలి’ ప్రాంఛైజీ, ‘ఆర్‌ఆర్‌ఆర్‌’ ఏ రేంజ్‌లో గ్లోబల్‌ బాక్సాఫీస్‌ను షేక్‌ చేశాయో తెలిసిందే. ఈ రెండు సినిమాలను ఓవర్‌టేక్‌ చేస్తూ.. తన రికార్డును తానే అధిగమించే భారీ స్కెచ్‌ వేసుకొని మహేశ్‌ బాబు హీరోగా ‘ఎస్‌ఎస్‌ఎంబీ 29’తో ముందుకొస్తున్నాడు జక్కన్న. వచ్చే ఏడాది ప్రారంభంలో సెట్స్‌పైకి వెళ్లనున్న ఈ సినిమాకు సంబంధించి ఆసక్తికర అప్‌డేట్‌ ఇప్పుడు మూవీ లవర్స్‌లో జోష్‌ నింపుతోంది.
గ్లోబల్‌ అడ్వెంచరస్‌ సినిమాగా రాబోతున్న ఈ చిత్రం రూ.1000 కోట్ల బడ్జెట్‌తో రాబోతుంది. రెండు పార్టులుగా తెరకెక్కనుంది. భారత అత్యంత ఖరీదైన సినిమాగా నిలువబోతుంది. జక్కన్న మహేశ్‌ బాబుతో ఎలాంటి సినిమాను ప్లాన్‌ చేస్తున్నాడో చెప్పేందుకు ఈ ఒక్క అప్‌డేట్‌ చాలు. ఈ సినిమా కోసం మహేశ్‌బాబు ఇప్పటికే మేకోవర్‌ మార్చుకుని.. లాంగ్‌ హెయిర్‌, గడ్డం, పోనీ టెయిల్‌ లుక్‌లో కనిపిస్తుండగా.. ఈ ఫొటోలు సినిమాపై సూపర్‌ హైప్‌ క్రియేట్‌ చేస్తున్నాయి.
యాక్షన్‌ డ్రామా నేపథ్యంలో ఆఫ్రికన్‌ అడ్వెంచరస్‌ ప్రాజెక్ట్‌గా రానున్న ఈ చిత్రాన్ని దుర్గా ఆర్ట్స్‌ బ్యానర్‌పై కేఎల్‌ నారాయణ తెరకెక్కిస్తున్నారు. ఈ చిత్రాన్ని 2027 మొదటి త్రైమాసికంలో ప్రపంచవ్యాప్తంగా గ్రాండ్‌గా విడుదల చేయాలని ప్లాన్‌ చేస్తున్నట్టు ఇన్‌సైడ్‌ టాక్‌.
