కన్నడ స్టార్ హీరో యష్ KGF సినిమాతో ఒక్కసారిగా యూ టర్న్ తీసుకున్న విషయం తెలిసిందే. ఇక రాబోయే KGF 2 సినిమాపై అంచనాలు ఏ రేంజ్ లో పెరుగుతున్నాయో స్పెషల్ గా చెప్పనవసరం లేదు. టీజర్ తోనే వండర్ క్రియేట్ చేశారు. అయితే ఆ సినిమా తరువాత యష్ ఎలాంటి సినిమా చేస్తారు అనేది ఆసక్తిగా మారింది.
అగ్ర దర్శకులు కథలను బాగానే తీసుకు వస్తున్నారట. అయితే నెక్స్ట్ సినిమా కూడా పాన్ ఇండియా రేంజ్ కు ఏ మాత్రం తక్కువ కాకూడదని యష్ ప్లాన్ చేసుకుంటున్నాడు. ఇటీవల పూరి జగన్నాథ్ కూడా ఒక కథ చెప్పినట్లు రూమర్స్ వచ్చిన విషయం తెలిసిందే. ఇక ఇప్పుడు మరో స్టార్ డైరెక్టర్ శంకర్ కూడా యష్ తో ఒక కథను లాక్ చేసుకున్నట్లు రూమర్స్ వస్తున్నాయి. హిస్టారికల్ వార్ డ్రామాగా రాబోయే ఆ సినిమాను తెరకెక్కించడానికి నాలుగేళ్లు పడుతుందట.
ప్రస్తుతం KGF 2 పోస్ట్ ప్రొడక్షన్ పనుల్లో బిజీగా ఉన్న యష్ ఆ సినిమా విడుదల కంటే ముందే రెండు కొత్త ప్రాజెక్టులకు గ్రీన్ సిగ్నల్ ఇచ్చే ఛాన్స్ ఉన్నట్లు రూమర్స్ వస్తున్నాయి. మరి ఇది ఎంతవరకు నిజమో తెలియాలి అంటే మరికొన్ని రోజులు వేయిట్ చేయాల్సిందే. మరోవైపు శంకర్, కమల్ హాసన్ ఇండియన్ 2 సినిమాతో బిజీగా ఉన్న విషయం తెలిసిందే.