అల్లు అర్జున్ హీరోగా నటిస్తున్న సినిమా ‘పుష్ప’. అల్లు అర్జున్, సుకుమార్ కాంబినేషన్ లో బ్యాట్రిక్ సినిమాగా పాన్ ఇండియా రేంజ్ లో రూపొందుతుండగా మైత్రీ మూవీ మేకర్స్, ముత్యంశెట్టి మీడియా బ్యానర్స్ పై సంయుక్తంగా నిర్మిస్తున్నారు.
ఈ సినిమాలో హీరోయిన్ గా లక్కీ బ్యూటీ రష్మిక మందన్న నటిస్తుంది. ఇప్పటికే వరసగా సరిలేరు నీకెవ్వరు, భీష్మ సినిమాలతో విపరీతమైన క్రేజ్ సంపాదించుకుది. ఇక ఎర్ర చందనం స్మగ్లింగ్ నేపథ్యంలో ఈ సినిమాని తెరకెక్కిస్తున్నాడు సుకుమార్. ఈ నేపథ్యంలో సినిమా షూటింగ్ ఎక్కువగా అడవుల్లో జరుపుకోవాల్సి ఉండగా త్వరలో కేరళ కి యూనిట్ బయలుదేరనుందని సమాచారం. అక్కడ జరిగే భారీ షెడ్యూల్ తో మేజర్ టాకీపార్ట్ కంప్లీట్ చేస్తారట.
అయితే ఈ సినిమా హీరోయిన్ రష్మిక కి చాలా ప్రత్యేకం అని చెప్పుకుంటున్నారు. 5 భాషల్లో రిలీజ్ కాబోతున్న రష్మిక మొదటి సినిమా. ఇప్పటికే ఈ సినిమా మీద ఈ కన్నడ బ్యూటీ బోలెడన్ని ఆశలు పెట్టుకుంది. ఈ సినిమా గనక రిలీజైన అన్ని భాషల్లో భారీ సక్సస్ ని సాధిస్తే ఖచ్చితంగా రష్మిక సౌత్ లో నంబర్ 1 ప్లేస్ కి చేరుకోవడం ఖాయమని అంటున్నారు.
కాగా ఈ సినిమా తో పాటు నాగ శౌర్య నటించబోతున్న మరొక సినిమా కూడా కమిటయింది. అలాగే తమిళం లోనూ ఎంట్రీ ఇచ్చింది. కార్తి సరసన సుల్తాన్ అన్న సినిమా చేస్తుంది. అలాగే కన్నడ లో పొగరు అన్న సినిమా కూడా చేస్తుంది. అయితే ఈ సినిమాలన్నిటికంటే కూడా రష్మిక బాలీవుడ్ గ్రాండ్ ఎంట్రీకి పుష్ప సినిమా బాగా కలిసొస్తుందన్న నమ్మకంతో ఉందట. చూడాలి మరి ఏం జరగనుందో.